Ram Charan : అన్ని వందల కోట్లా..! #RC16 బడ్జెట్ లీక్..

Ram Charan #16th movie budget leak

Ram Charan : తక్కువ సినిమాలతోనే స్టార్ డం సంపాదించుకున్న వారిలో మెగాస్టార్ తనయుడు మెగా పవర్ స్టార్ రామ్ చరణ్ ముందు వరుసలో ఉంటాడు. వెండితెరపై అడుగుపెట్టిన కొత్తలోనే మంచి హిట్లను ఇచ్చాడు. మార్కెట్ తో పాటు ఫాలోయింగ్ సైతం భారీగా పెరిగింది. దీనికితోడు ఆర్ఆర్ఆర్ తో గ్లోబల్ ఇమేజ్ కూడా వచ్చింది. దీంతో రెట్టించిన ఉత్సాహంతో ప్రాజెక్టులు చేస్తున్నాడు.

మెగా పవర్ స్టార్ రామ్ చరణ్, తమిళ్ స్టార్ డైరెక్టర్ శంకర్ దర్శకత్వంలో ‘గేమ్ చేంజర్’ చేస్తున్నాడు. ఈ చిత్రంపై ఇప్పటికే అంచనాలు భారీగా పెరిగాయి. వీటికి అనుగుణంగానే  దీన్ని ప్రతిష్టాత్మకంగా తెరకెక్కిస్తోన్నారు శంకర్. ఇది పూర్తి కాకుండానే 16వ చిత్రాన్ని ‘ఉప్పెన’ ఫేం బుచ్చిబాబుతో చేస్తానని కమిట్ అయ్యాడు.

రామ్ చరణ్ – బుచ్చిబాబు కాంబోలో రాబోతున్న ఈ మూవీ స్పోర్ట్స్ బ్యాగ్‌డ్రాప్‌తో ఉంటుందని న్యూస్ లీకైంది. ఇందులో హీరో కబడ్డీ ప్లేయర్‌ అని కూడా వార్తలు లీకయ్యాయి. ప్రస్తుతం ఈ మూవీ ప్రీ ప్రొడక్షన్ వర్క్ జరుగుతోంది. శంకర్ సినిమా పూర్తయిన వెంటనే ఇది ప్రారంభం అవుతుందట.

పాన్ ఇండియా రేంజ్‌లో ప్రతిష్టాత్మకంగా రూపొందించి భారీ స్కేల్‌లో తీసుకు రావాలని బుచ్చిబాబు డిసైడ్ అయ్యాడు. ఇందులో భాగంగానే నిర్మాతలు కూడా భారీ బడ్జెట్‌ కేటాయించినట్లు ప్రచారం జరుగుతోంది. సినిమాను రూ. 400 కోట్లు బడ్జెట్‌తో రూపొందించబోతున్నట్లు సమాచారం.

క్రేజీ కాంబోలో రూపొందుతున్న సినిమాకు రూ. 400 కోట్లు కేటాయించడానికి రెమ్యూనరేషన్లు కూడా కారణం అని తెలుస్తోంది. ఇందులో చాలా మంది పాన్ ఇండియా స్టార్లు నటిస్తారట. అందుకే వాళ్లకు ఇచ్చే రెమ్యూనరేషన్లు అధనం అయ్యాయట.

ఇది ఇలా ఉండగా.. రామ్ చరణ్ – బుచ్చిబాబు కాంబోలో రాబోయే సినిమాను ‘వృద్ధి సినిమాస్’ బ్యానర్‌పై వెంకటేష్, సతీష్ కిలారు నిర్మిస్తున్నారు. ఈ మూవీకి మైత్రీ మూవీ మేకర్స్‌తో పాటు సుకుమార్ రైటింగ్స్  కూడా భాగస్వామిగా వ్యవహరిస్తుంది. ఈ చిత్రానికి ఏ ఆర్ రెహమాన్ సంగీతం ఇస్తున్నారు.