Akkineni Akhil : బైక్ యాక్సిడెంట్ లో చేతులు విరగ్గొట్టుకున్న అక్కినేని అఖిల్..శోకసంద్రం లో ఫ్యాన్స్!

Akkineni Akhil broke his arms in a bike accident

Akkineni Akhil : అక్కినేని కుటుంబం లో స్టార్ హీరో అయ్యేందుకు అన్నీ అర్హతలు ఉన్నప్పటికీ కూడా పాపం కలిసిరాక ఇంకా మీడియం రేంజ్ హీరోలలో ఒకడిగా మిగిలిపోయిన నటుడు అక్కినేని అఖిల్. ఇండస్ట్రీ లో అడుగుపెట్టకముందు నుండే అఖిల్ కి మంచి క్రేజ్ ఉంది. భవిష్యత్తులో పెద్ద సూపర్ స్టార్ అవుతాడని అనుకున్నారు, కానీ సూపర్ స్టార్ అవ్వాలంటే టాలెంట్, అందం, కష్టపడే తత్త్వం ఉంటే సరిపోదు.

అదృష్టం కూడా కలిసి రావాలి, అది కలిసి రాకనే అక్కినేని అఖిల్ కెరీర్ ఇలా అయ్యిందని అంటున్నారు విశ్లేషకులు. సినిమాల్లో భారీ యాక్షన్ సన్నివేశాలు చెయ్యడం అఖిల్ కి తెగ ఇష్టం. ఎంత రిస్కీ స్తంట్స్ అయినా చేసేస్తాడు. కానీ ఇప్పుడు ఆయనకీ షూటింగ్స్ ఏమి జరగడం లేదు, అయినా కూడా చేతికి పెద్ద కట్టు కట్టుకొని కనిపించాడు. అకస్మాత్తుగా అఖిల్ ని అలా చూసి అభిమానులు భయాందోళనకు గురి అయ్యారు. చిన్న దెబ్బ అయితే పెద్దగా పట్టించుకునేవారు కాదేమో, కానీ చేతికి తగిలిన అంత పెద్ద దెబ్బని చూసి కంగారు పడిపోయారు.

ప్రభాస్ హీరో గా నటించిన ‘సలార్’ చిత్రం భారీ బ్లాక్ బస్టర్ హిట్ అవ్వడం తో మూవీ టీం బెంగళూరు లో గ్రాండ్ సక్సెస్ పార్టీ ని ఏర్పాటు చేసింది. ఈ సక్సెస్ పార్టీ కి మూవీ టీం తో పాటుగా అక్కినేని అఖిల్ కూడా కనిపించాడు. అఖిల్ కి ఏమి సంబంధం, అతను ఎందుకు సలార్ సక్సెస్ పార్టీ లో ఉన్నాడు అనే సందేహాలు అభిమానుల్లో కలిగాయి. కానీ ఆయన తన తదుపరి చిత్రాన్ని యూవీ క్రియేషన్స్ బ్యానర్ లోనే చెయ్యబోతున్నాడు. యూవీ క్రియేషన్స్ అంటే ప్రభాస్ హోమ్ బ్యానర్ అనే విషయం ప్రత్యేకించి చెప్పనక్కర్లేదు. అందుకే ప్రభాస్ పిలిస్తే వచ్చాడట అఖిల్.

ఈ సక్సెస్ పార్టీ లోనే ఆయన చేతికి కట్టు కట్టుకొని కనిపించాడు. షూటింగ్స్ ఏమి లేకపోయినప్పటికీ కూడా అఖిల్ కి ఈ స్థాయిలో దెబ్బ ఎలా తగిలింది అని ఆరాలు తియ్యగా, రీసెంట్ గా ఆయన బైక్ నుండి స్కిడ్ అయ్యి జారిపడ్డాడట. త్రుటి లో ప్రాణాపాయం తప్పి చెయ్యి మాత్రం విరగ్గొట్టుకున్నాడట. దీని గురించి పూర్తి సమాచారం అయితే లేదు కానీ, అసలు కారణం ఇదే అని అంటున్నారు. ఈ విషయం తెలుసుకున్న అభిమానులు దయచేసి జాగ్రత్తగా ఉండమంటూ అఖిల్ ని ట్యాగ్ చేసి వేడుకుంటున్నారు.