‘Akhanda 2’ the producer from now
Akhanda 2 : నందమూరి బాలకృష్ణ కెరీర్ లో అంతకుముందు ఎన్ని సూపర్ హిట్ సినిమాలు, ఇండస్ట్రీ హిట్ సినిమాలు అయిన ఉండొచ్చు, రాబొయ్యే రోజుల్లో అదే రేంజ్ సినిమాలు రావొచ్చు కూడా, కానీ ‘అఖండ’ సినిమా విజయాన్ని మాత్రం ఏవి మ్యాచ్ చెయ్యలేదని చెప్పాలి. ఈ సినిమా బాలయ్య కెరీర్ లో ఎంత పెద్ద బ్లాక్ బస్టర్ గా నిల్చిందో ప్రత్యేకించి చెప్పనక్కర్లేదు. వరుస డిజాస్టర్ ఫ్లాప్స్ తో మార్కెట్ మొత్తం సూన్యం అయిన సమయం లో వచ్చిన సినిమా ఇది.
ఈ సినిమా తర్వాత బాలయ్య బాబు స్క్రిప్ట్ సెలక్షన్ ఎంపిక తీరు కూడా బాగా మారింది. అంతకు ముందు ఆయన అన్నీ ఒకే తరహా సినిమాలు చేస్తూ వెళ్ళేవాడు. కానీ ఇప్పుడు మాత్రం యూత్ ఆడియన్స్ కి నచ్చే విధమైన స్క్రిప్ట్స్ ని ఎంచుకుంటూ ముందుకు దూసుకుపోతున్నాడు. ‘అఖండ’ తర్వాత ఆయనకీ ‘వీర సింహా రెడ్డి’, ‘భగవంత్ కేసరి’ వంటి సూపర్ హిట్స్ అయ్యాయి.
బాలయ్య ఇలా హ్యాట్రిక్ హిట్స్ కొట్టి ఏళ్ళు గడిచాయి, ఇక ముందు కూడా ఆయన హిట్ సినిమాలను తియ్యడానికి ప్రయత్నిస్తున్నాడు. అందులో భాగంగానే ‘అఖండ 2 ‘ చిత్రం చెయ్యబోతున్నాడు. ఈ సినిమా స్క్రిప్ట్ దాదాపుగా పూర్తి అయ్యినట్టే అని, బాలయ్య బాబు ఎప్పుడు గ్రీన్ సిగ్నల్ ఇస్తే అప్పుడు సెట్స్ మీదకి తీసుకెళ్తా అని బోయపాటి శ్రీను సిద్ధంగా ఉన్నాడు. ఇకపోతే రీసెంట్ గానే గీత ఆర్ట్స్ సంస్థ త్వరలోనే బోయపాటి శ్రీనుతో ఒక సినిమా చేయబోతున్నట్టు అధికారికంగా ప్రకటించిన సంగతి తెలిసిందే. సినిమా అయితే ప్రకటించారు కానీ, హీరో ఎవరు ఏమిటి అనేది ఇంకా ఖరారు కాలేదు.
దీంతో అల్లు అరవింద్ ‘అఖండ 2 ‘ నా బ్యానర్ లో తీస్తే ఎలా ఉంటుంది అని బోయపాటి ని అడిగాడాట. ఈ సినిమాకి నిర్మాతగా మిర్యాల రవీందర్ రెడ్డి ఉంటున్నాడు, ఆయనతో మాట్లాడుకొని గీత ఆర్ట్స్ ని ఒక నిర్మాత భాగస్వామ్యం చేసుకోవడమో, లేదా రైట్స్ మొత్తం ఫ్యాన్సీ ప్రైజ్ కి కొనుగోలు చేసి తానే ఈ సినిమాని నిర్మించడానికైనా రెడీ అంటూ అల్లు అరవింద్ అంటున్నాడట. ఎట్టి పరిస్థితి లో ఆయన ఈ క్రేజీ ప్రాజెక్ట్ ని వదులుకునేది లేదు అని భీష్మించి కూర్చున్నాడట. ఏమి జరుగుతుందో చూడాలి మరి.