Akhanda 2 : బాక్సాఫీస్ పై బాలయ్య, బోయపాటి తాండవమే ఇక.. డబుల్ హ్యాట్రిక్ పక్కా!

Akhanda 2 : గాడ్ ఆఫ్ మాసెస్,  నందమూరి నటసింహం బాలకృష్ణ, బోయపాటి శ్రీను కాంబోలో వచ్చిన మూడు సినిమాలు ఒకదానిని మించి మరొకటి విజయం సాధించాయి. వీరిద్దరి కాంబినేషన్ హ్యాట్రిక్ కొట్టింది. వీరిద్దరూ కలిసి మరో సినిమాకు శ్రీకారం చుట్టారు. వీరి కాంబినేషన్ లో నాలుగో సినిమాకు కొబ్బరికాయ కొట్టారు. అఖండ 2.. తాండవం సినిమా పూజా కార్యక్రమాలతో అక్టోబర్ 16న గ్రాండ్ గా ప్రారంభమైంది. చాలా రోజులుగా నందమూరి అభిమానులు ఎంతగానో ఎదురుచూస్తున్న సినిమా అఫీషియల్ గా అనౌన్స్ చేశారు.

అఖండతో పాటు ఆ తర్వాత వచ్చిన బాలకృష్ణ మరో రెండు సినిమాలు కూడా సూపర్ హిట్లుగా నిలిచాయి. అఖండ, వీరసింహారెడ్డి, భగవంత్ కేసరి సినిమాలతో మరోసారి హ్యాట్రిక్ కొట్టాడు. ఇప్పటికే బాబీతో చేస్తున్న సినిమా సెట్స్ మీదుంది. తాజా చిత్రం అఖండ-2 సినిమా పూజా కార్యక్రమాలతో మొదలు కావడంతో బాలయ్య డబుల్ హ్యాట్రిక్ అభిమానులు సోషల్ మీడియా పోస్టులు పెడుతున్నారు.

డైలాగ్ తో అదరగొట్టిన బాలయ్య
అఖండ-2 తాండవం సినిమా పూజా కార్యక్రమాలు హైదరాబాద్ లో బుధవారం వైభవంగా ప్రారంభమయ్యాయి. ఈ కార్యక్రమానికి బాలకృష్ణ భార్య వసుంధరతో పాటు కుమార్తెలు తేజస్విని, నారా బ్రాహ్మణి ప్రధాన ఆకర్షణగా నిలిచారు. ఈ సినిమాకు బాలయ్య చిన్న కుమార్తె తేజస్విని నిర్మాణ బాధ్యతలు తీసుకుంటున్నారు. నారా బ్రాహ్మణి ఈ సినిమా ముహూర్తం షాట్ కు క్లాప్ కొట్టడం విశేషం.  ముహుర్తపు షాట్ లో బాలయ్య చెప్పిన డైలాగ్ సోషల్ మీడియా లో వైరల్ గా మారింది. ‘కాదని తాకితే తాండవం.. అఖండ తాండవం’ అంటూ చెప్పిన డైలాగ్ తో బాలయ్య ఫ్యాన్స్ లో పూనకాలు తెప్పించాడు.  ఈ ఈవెంట్ కు బాలకృష్ణ అభిమానులు పెద్ద సంఖ్యలో తరలివచ్చారు.