Air India : ఎయిర్ ఇండియా ‘నమస్తే వరల్డ్ సేల్’..

• భారీ ఆఫర్లతో ఆకట్టుకుంటున్న సంస్థ.. లిమిటెడ్ పీరియడ్ మాత్రమే అంటూ వెల్లడి..

Air India

Air India : దేశీయ విమానయాన సంస్థ ‘ఎయిర్ ఇండియా’ టికెట్లపై భారీ రాయితీ అందించేందుకు ‘నమస్తే వరల్డ్ సేల్‌’ను తెచ్చింది. దీని కాలపరిమితి పరిమితమని యాజమన్యం తెలిపింది. దేశీయ, అంతర్జాతీయ విమాన ప్రయాణాలపై రాయితీ వర్తిస్తుంది. ఫిబ్రవరి 2 నుంచి 5వ తేదీ వరకు ఈ ఆఫర్ అందుబాటులో ఉంటుంది. ఫిబ్రవరి 2 నుంచి సెప్టెంబర్ 30వ తేదీ వరకు ఎంపిక చేసిన రూట్లలో ఈ టికెట్లను బుక్ చేసుకోవచ్చు. ముందుగా బుక్ చేసుకుంటే ప్రాధాన్యత ఉంటుందని, లిమిటెడ్ సీట్లకు మాత్రమే ఆఫర్ వర్తిస్తుందని సంస్థ ప్రకటించింది.

ఈ ఆఫర్ కింద దేశీయ రూట్లలో ఎకానమీ క్లాస్ రూ.1799 నుంచి, బిజినెస్ క్లాస్ కు రూ.10,899 నుంచి ప్రారంభమవుతాయి. అంతర్జాతీయ రూట్లలో ఎకానమీ క్లాస్ రూ.3,899 నుంచి, బిజినెస్ క్లాస్  రూ.9,600 నుంచి మొదలవుతాయి. ‘నమస్తే వరల్డ్’ కోసం ఎయిర్ ఇండియా వెబ్‌సైట్, మొబైల్ యాప్ ద్వారా బుక్ చేసే టికెట్లపై రాయితీ ఉంటుందని సంస్థ ఒక ప్రకటనలో తెలిపింది. అంతర్జాతీయంగా అమెరికా, కెనడా, యూరప్, యూకే, ఆస్ట్రేలియా, ఆసియా పసిఫిక్, గల్ఫ్ అండ్ మిడిల్ ఈస్ట్, దక్షిణ ఆసియా రూట్లలో తగ్గింపు పొందవచ్చు.

వన్-వే అండ్ రిటర్న్ ఎకానమీ క్లాస్ కోసం ధర
భారత్ నుంచి USA: రూ.31956 (వన్-వే), రూ.54376(రిటర్న్)
భారత్ టు యూరోప్: రూ.22283(వన్-వే), రూ.39244(రిటర్న్)
భారత్ టు గల్ఫ్ మరియు మిడిల్ ఈస్ట్: రూ.7714(వన్-వే), రూ.13547(రిటర్న్)
భారత్ టు ఆస్ట్రేలియా రూ.29441(వన్-వే), రూ.54207(తిరిగి)
భారత్ టు ఖాట్మండు రూ.3899 (వన్-వే), రూ.9600(రిటర్న్).