Mumbai Train Accident : అగర్తలా-ముంబై రైలుకు ప్రమాదం.. పట్టాలు తప్పిన 8 బోగీలు

Mumbai train accident : అగర్తలా నుంచి ముంబై వెళ్తున్న లోకమాన్య తిలక్ ఎక్స్ ప్రెస్ ప్రమాదానికి గురైంది. అస్సాంలోని దిమా హసావో జిల్లాలో జరిగిన ఈ ప్రమాదంలో లోకమాన్య తిలక్ ఎక్స్ ప్రెస్ పట్టాలు తప్పింది. అగర్తలా నుంచి ముంబైకి బయల్దేరిన ఈ రైలు ఇంజన్ తో పాటు ఎనిమిది బోగీలు పట్టాలు తప్పాయి. అస్సాంలోని దిబలోంగ్ స్టేషన్ వద్ద ఈ ఘటన చోటు చేసుకున్నట్లు సమాచారం.

ఈ ప్రమాదంలో ఎవరికీ కూడా ఏమీ కాలేదని రైల్వే అధికారులు వెల్లడించారు. ఈరోజు మధ్యాహ్నం జరిగిన ఈ రైలు ప్రమాదానికి కారణాలు ఇంకా తెలియరాలేదని చెప్పారు. పవర్ కార్, ఇంజన్ తో పాటు ఎనిమిది కోచ్ లు పట్టాలు తప్పాయని, ఘటనా స్థలానికి సహాయక బృందాలు వెంటనే చేరుకున్నాయని తెలిపారు. ఈ ఘటనతో లుమ్ డింగ్-బాదర్ పూర్ సింగిల్ లైన్ హిల్ సెక్షన్ లో రైళ్ల రాకపోకలు నిలిపివేసినట్లు వెల్లడించారు.