Naga Chaitanya : సమంత తర్వాత ఆమెకే చాన్స్.. నాగచైతన్య ఇలా కూడా చేస్తాడా!!

Naga Chaitanya

Naga Chaitanya : తెలుగు సినీ ఇండస్ట్రీలో అక్కినేని కుటుంబానిది ప్రత్యేక స్థానం. సినీ పరిశ్రమకు ఎన్టీఆర్ ఓ కన్ను అయితే..మరో కన్ను అక్కినేని నాగేశ్వరరావు అని అంటుంటారు. తన అద్భుత నటనతో లక్షలాది తెలుగు ప్రేక్షకుల అలరించిన అక్కినేని నట వారసత్వాన్ని ఆయన వారసులు పుణికిపుచ్చుకున్నారు. అక్కినేని వారసుడిగా ఎంట్రీ ఇచ్చిన నాగార్జున..ఇప్పటికీ స్టార్ డమ్ మెయింటెన్ చేస్తున్నారు. ఇక ఆయన వారసుడిగా ఇండస్ట్రీలోకి వచ్చారు నాగ చైతన్య. నాగచైతన్య ఇప్పటివరకు చాలా సినిమాల్లోనే నటించారు. కానీ బ్లాక్ బస్టర్ ఇప్పటికీ పడలేదు.  హిట్ అయిన సినిమాల్లోనూ ఆయనకు పెద్ద పేరు రాలేదనే చెప్పాలి.

ఏదేమైనప్పటికీ నాగచైతన్య కెరీర్ అనుకున్నంత సక్సెస్ కాలేకపోయింది. అటు నాగార్జున కూడా చైతన్య కెరీర్ విషయంలో పెద్ద ఆసక్తి చూపించినట్టు కూడా కనపడదు. పెద్ద దర్శకులకు రికమండ్ చేయడం.. వారితో సినిమాలు చేయడం వంటివి నాగార్జున మొదటి నుంచి కూడా చేయలేదు. టాలెంట్ ఉంటే వాళ్లే ఇండస్ట్రీలో నిలబెడుతారని నమ్మారు నాగార్జున. సరిగ్గా ఇప్పుడు అదే పనిలో పడ్డారు నాగచైతన్య. ఆయన చాలా సెలక్టివ్ గా సినిమాలు చేస్తున్నట్లు కనిపిస్తున్నారు.

నాగచైతన్య ప్రస్తుతం ‘తండేల్’ మూవీ చేస్తున్నాడు. ఈ సినిమాకు చందు మొండేటి దర్శకుడు. ఈ సినిమా సెట్స్ పై ఉండగానే మరో సినిమాకు నాగచైతన్య కమిట్ అయ్యారు. ‘విరూపాక్ష’ తో బ్లాక్ బస్టర్ హిట్ కొట్టిన కార్తీక్ దండు దర్శకత్వంలో ఓ సినిమాకు రెడీ అయ్యాడు చైతూ. విరూపాక్ష మాదిరిగానే ఇది కూడా హారర్ జోనర్ లో ఉండబోతోంది.

ఈ మూవీలో హీరోయిన్ గా పూజా హెగ్డేను ఎంపిక చేశారు మూవీ మేకర్స్. దాదాపు 10 ఏండ్ల తర్వాత పూజాతో రొమాన్స్ చేయబోతున్నాడు చైతూ. ఒక లైలా కోసం మూవీలో వీరిద్దరు కలిసి నటించారు. ఈ సినిమాతో పూజా హెగ్డే తెలుగు ఇండస్ట్రీకి ఎంట్రీ ఇచ్చింది. బాక్సాఫీస్ వద్ద మంచి విజయాన్నే సాధించింది. నాగచైతన్య హీరోయిన్స్ ను తక్కువగా రిపీట్ చేశారు. సమంత తర్వాత కేవలం ఒక్క సాయిపల్లవితో మాత్రమే మరో సినిమాలో నటిస్తున్నాడు. ఇప్పుడు పూజాతో నాగచైతన్య నటిస్తుండడం హాట్ టాపిక్ గా మారింది.