Dacoit Title teaser:అడివి శేష్..విల‌క్ష‌ణ‌మైన క‌థ‌ల‌కు, సినిమాల‌కు కేరాఫ్ అడ్ర‌స్‌. సరికొత్త క‌థ‌ల‌తో ఎప్ప‌టిక‌ప్పుడు ప్రేక్ష‌కుల్ని ఆక‌ట్టుకుంటూ అల‌రిస్తున్న అడివి శేష్ త‌న‌దైన పంథాలో సినిమాలు చేస్తూ వ‌రుస విజ‌యాల్ని ద‌క్కించుకుంటున్నాడు. హీరోగా, క‌థ‌కుడిగా త‌న సినిమాల విష‌యంలో అన్నీతానై ప‌ని చేస్తూ వ‌రుస స‌క్సెస్‌ల‌ని సొంతం చేసుకుంటున్నాడు. గ‌త ఏడాది `మేజ‌ర్‌`, `హిట్ ది సెకండ్ కేస్‌` వంటి యాక్ష‌న్ సినిమాల‌తో ఆక‌ట్టుకున్న అడివి శేష్ ప్ర‌స్తుతం `గూఢ‌చారి` సీక్వెల్‌లో న‌టిస్తున్నాడు.
ప్ర‌స్తుతం ఈ మూవీ షూటింగ్ ద‌శ‌లో ఉంది. తాజాగా మ‌రో కొత్త క‌థ‌తో యాక్ష‌న్ థ్రిల్ల‌ర్‌కు శ్రీ‌కారం చుట్టాడు. `గూఢ‌చారి`, క్ష‌ణం వంటి చిత్రాల‌కు ద‌ర్శ‌క‌త్వ శాఖ‌లో ప‌నిచేసిన షానియేల్ డియో ఈ సినిమా ద్వారా ద‌ర్శ‌కుడిగా ప‌రిచ‌యం అవుతున్నాడు. శృతిహాస‌న్ హీరోయిన్‌గా న‌టిస్తున్న ఈ మూవీకి `డెకాయిట్‌` అనే టైటిల్‌ని ఖ‌రారు చేశారు. దీనికి `ఒక ప్రేమ క‌థ` అని ట్యాగ్ లైన్ ఇచ్చారు. అన్న‌పూర్ణ స్టూడియోస్ నిర్మాణంలో ఎస్‌.ఎస్‌. క్రియేష‌న్స్‌, సునీల్ నారంగ్ ప్రొడ‌క్ష‌న్స్ బ్యాన‌ర్‌ల‌పై ఈ మూవీని సుప్రియ యార్ల‌గ‌డ్డ నిర్మిస్తున్నారు.
యాక్ష‌న్ ఎంట‌ర్ టైన‌ర్‌గా రూపొందుతున్న ఈ సినిమా టైటిల్ టీజ‌ర్‌ని బుధ‌వారం మేక‌ర్స్ రిలీజ్ చేశారు. చాలా వెరైటీగా ప్లాన్ చేసిన ఈ టీజ‌ర్‌తో సినిమా క‌థేంటో చెప్పే ప్ర‌య‌త్నం చేశారు. ఓ అంద‌మైన ప్రేమ జంట ఒక్క‌ట‌వ్వాల‌నుకుంటారు. కానీ నేర ప్ర‌పంచం వీళ్ల‌దారి మారుస్తుంది. దీనికి కార‌ణం త‌న‌ని ప్రేమించిన‌వాడే న‌ని తెలుసుకున్న హీరోయిన్ ఏం చేసింది? ..ఎలా రియాక్ట్ అయింద‌నే కోణంలో టీజ‌ర్ సాగింది. డెకాయిట్‌గా హీరో ఎందుకు మారాడు? ఆ త‌రువాత ఏం జ‌రిగింది అన్న‌దే అస‌లు క‌థ.
టైటిల్ టీజ‌ర్‌తో శేష్ మ‌ళ్లీ ఏదో కొత్త క‌థ చెప్ప‌బోతున్నాడ‌ని స్పష్ట‌మ‌వుతోంది. సింపుల్ విజువ‌ల్స్‌తో సీరియ‌స్ స్టోరీని ప‌రిచ‌యం చేసిన విధానం బాగుంది. భీమ్స్ నేప‌థ్య సంగీతం, షానియెల్ డియో టేకింగ్, ధ‌నుష్ భాస్క‌ర్ సినిమాటోగ్ర‌ఫీ సినిమాకు ప్ర‌ధాన హైలైట్స్‌గా నిల‌వ‌నున్నాయి. త్వ‌ర‌లో ఈ మూవీ రెగ్యుల‌ర్ షూటింగ్ ప్రారంభం కాబోతోంది. ఈ సినిమాతో శేష్ మ‌రో హిట్‌ని త‌న ఖాతాలో వేసుకోవ‌డం ఖాయం అని ఆయ‌న అభిమానులు అంటున్నారు.
