Accident : క్వారీలో ప్రమాదం.. ముగ్గురి మృతి

Accident : ఎన్టీఆర్ జిల్లా కంచికచర్ల మండలం పరిటా క్వారీలో ఘోర ప్రమాదం జరిగింది. క్వారీపై నుంచి లూజు బోల్డర్స్ పెద్ద మొత్తంలో జారి డ్రిల్లింగ్ వేస్తున్న కార్మికులపై పడ్డాయి. ఈ ప్రమాదంలో ముగ్గురు కార్మికులు మృతి చెందారు. సమాచారం అందిన వెంటనే అక్కడికి చేరుకున్న పోలీసు, రెవెన్యూ అధికారులు సహాయక చర్యలు చేపట్టారు.

ఈ ప్రమాదంలో నుంచి ఓ కార్మికుడు అదృష్టవశాత్తు ప్రాణాలతో బయటపడ్డాడు. రాళ్ల కింద చిక్కుకున్న డోలీని సహాయ సిబ్బంది ప్రాణాలతో కాపాడింది. మృతులు ఏపీకి చెందిన దుర్గారాజ్, ఒడిశాకు చెందిన బీబీ నాయక్, ఛత్తీస్ గఢ్ కు చ్ెందిన రామ్ దేవ్ భగేల్ గా గుర్తించారు. ఒక మృతదేహం వెలికితీశారు. మరో రెండు మృతదేహాల కోసం శకలాలను తొలగించేందుకు వర్షంలోనూ పోలీసు, రెవెన్యూ అధికారులు సహాయ కార్యక్రమాలు కొనసాగిస్తున్నారు.