Accident
Accident : సంగారెడ్డి జిల్లాలో ఘోర రోడ్డు ప్రమాదం జరిగింది. లారీని బైక్ ఢీకొని ముగ్గురు యువకులు మృతి చెందారు. కాగా, మృతులను పుల్కల్ మండలానికి చెందిన సందీప్, నవీన్, అభిషేక్ గా గుర్తించారు.
కంది మండలం తునికిళ్ల తండా శివారులో జరిగిన ప్రమాదంలో ముగ్గురు యువకులు మృతి చెందారు. నాందేడ్-అకోల జాతీయ రహదారిపై ఈ ప్రమాదం జరిగింది. నాందేడ్ నుంచి హైదరాబాద్ వెళ్తున్న లారీని వెనుక నుంచి బైక్ ఢీకొట్టడంతో ఈ ఘటన చోటు చేసుకుంది. ఈ ఘటనలో బైక్ పై ప్రయాణిస్తున్న ముగ్గురు యువకులు అక్కడికక్కడే చనిపోయారు. మృతులు పుల్కల్ మండలానికి చెందిన సందీప్, నవీన్, అభిషేక్ లు కందిలోని అక్షయ పాత్రలో పనిచేస్తున్నట్లు సమాచారం.