Jagtial News
Jagtial News : జగిత్యాల జిల్లా మెట్ పల్లి పట్టణంలో కుక్కను కాపాడబోయి మహిళ మృతి చెందింది. శనివారం జరిగిన ఈ ఘటన ఆ కుటుంబంలో విషాదం నింపింది. స్థానికులు తెలిపిన ప్రకారం.. మెట్ పల్లి పట్టణంలోని ఎస్సారెస్పీ కాలువ సమీపంలో పల్లెపు పద్మ (29) కుటుంబంతో నివాసం ఉంటోంది.
ఈదురుగాలులకు విద్యుత్ వైరు తెగి రేకుల షెడ్డుపై పడింది. దీంతో అక్కడే ఉన్న కుక్కకు విద్యుత్ షాక్ తగిలింది. అక్కడే ఉన్న పద్మ కుక్కను రక్షించేందుకు చేసిన ప్రయత్నంలో కరెంట్ షాక్ కు గురై అక్కడికక్కడే మృతి చెందింది.