Search
HomeExclusive

Kodali Nani : మహిళలతో కాళ్లు కడిగించుకున్న కొడాలి నాని.. వైరల్ వీడియో

Kodali Nani

Kodali Nani

Kodali Nani : ఆంధ్రప్రదేశ్ లో ఎన్నికల తంతు ఊపందుకుంది. ఊరు వాడ నేతలు కదులుతున్నారు. గెలుపే లక్ష్యంగా ముందుకు వెళ్తున్నారు. అధికారమే పరమావధిగా ప్రయత్నిస్తున్నారు. ఎలాగైనా గెలవాలని కంకణం కట్టుకున్నారు. ఇతర పార్టీలను అధికారానికి దూరం చేయాలని ముమ్మర ప్రయత్నాలు చేస్తున్నారు. ఈ క్రమంలో చిత్ర విచిత్రాలు చోటుచేసుకుంటున్నాయి. ప్రజల వద్దకు వెళ్లి వారికి సాయం చేస్తున్నట్లు నటిస్తున్నారు. ఇవన్నీ మామూలే.

కానీ ఇక్కడో ట్విస్ట్ ఏర్పడింది. అందరు నేతలు ప్రజల కాళ్లు కడుతుంటే గుడివాడలో మాత్రం మాజీ మంత్రి, అధికార పార్టీ నాయకుడు కొడాలి నాని మహిళలతో కాళ్లు కడిగించుకోవడం చర్చనీయాంశంగా మారింది. దీంతో ప్రతిపక్ష పార్టీలు ఆగ్రహం వ్యక్తం చేస్తున్నాయి. వాళ్ల కాళ్లు కడగాల్సిందిపోయి వారితోనే కాళ్లు కడిగించుకోవడం దేనికి సంకేతమని ప్రశ్నిస్తున్నారు.

కొడాలి నానికి అధికారం, అహంకారం తలకెక్కిందని ఆరోపిస్తున్నారు. మహిళలంటే దేవతలతో సమానం అలాంటి వారితో కాళ్లు కడిగించుకోవడం నిజంగా అతడి అహంకారానికి పరాకాష్టగానే చెబుతున్నారు. దీనిపై టీడీపీ అభ్యర్థి వెనిగండ్ల రాము విమర్శలు చేశారు. మహిళలను చులకనగా చూసే నానికి ఎన్నికల్లో తగిన బుద్ధి చెప్పాలన్నారు. నాని బలుపు, అహంకారానికి గుణపాఠం కావాలన్నారు.

గుడివాడలో రంజాన్ మాసం సందర్భంగా ముస్లింలతో ప్రార్థనలు చేసిన నాని ఎన్నికల ప్రచారం నిర్వహించారు. ఈ సందర్భంగా మహిళలతో బిందెల కొద్ది పాలతో కాళ్లు కడిగించుకోవడం విమర్శలకు తావిస్తోంది. ఇందులో ఓ మహిళా వాలంటీర్ కూడా ఉందని టీడీపీ చెబుతోంది. ఆమె తన ముఖానికి గుడ్డ కట్టుకుని నాని కాళ్లు కడిగినట్లు ఆరోపిస్తున్నారు. దీనిపై అన్ని ప్రతిపక్ష పార్టీలు భగ్గుమంటున్నాయి. కొడాలి నాని తీరుపై ఆగ్రహం వ్యక్తం చేస్తున్నాయి.

TAGS