Pakistan
Pakistan : పాకిస్తాన్ లో ఘోర ప్రమాదం చోటు చేసుకుంది. మినీ ట్రక్కు అదుపు తప్పి లోయలో పడిపోయింది. ఈ ప్రమాదంలో ఒకే కుటుంబానికి చెందిన ఐదుగురు చిన్నారుు సహా 14 మంది మృతి చెందారు. మరో 12 మందికి తీవ్ర గాయాలయ్యాయి. సెంట్రల్ పంజాబ్ ప్రావిన్స్ లోని ఖుషాబ్ జిల్లాలో శనివారం ఉదయం కుటుంబంతో కలిసి పనికోసం పొరుగు జిల్లాకు వాహనంలో వెళ్తుండగా ప్రమాదం జరిగింది. పెంచ్ పీర్ ప్రాంతంలో మూలమలుపు వద్ద రోడ్డుపై నుంచి జారి లోయలో పడిపోయింది.
ప్రమాదం విషయం తెలిసిన వెంటనే రెస్క్యూ సిబ్బంది స్పాట్ కు చేరుకొని గాయపడిన తొమ్మిది మందిని ఆస్పత్రికి తరలించారు. అయితే, వారి పరిస్థితి కూడా క్రిటికల్ గానే ఉందని సమాచారం. బాధితులంతా కూలీ పనుల కోసం ఖుషాబ్ కు వస్తున్నట్టు తెలిసిందని రెస్క్యూ టీమ్ సిబ్బంది చెప్పారు. ప్రమాదానికి అతివేగమే కారణమని ప్రత్యక్ష సాక్షులు తెలిపారు. కాగా, ఈ ఘటనపై పాకిస్తాన్ లోని పంజాబ్ సీఎం మరియమ్ నవాజ్ సంతాపం తెలిపారు.