Cobra in a shoe : షూలో మూడు అడుగుల నాగుపాము

cobra in a shoe : షూలో మూడు అడుగుల నాగుపాము దాగిన సంఘటన కడలూర్ లో జరిగింది. కడలూర్ సిప్కాట్ సమీపం చిన్నకారైక్కాడు గ్రామానికి చెందిన విజయబాలన్ సిప్కాట్ పారిశ్రామికవాడలో కాంట్రాక్టరు. శనివారం రాత్రి వారి ఇంటిలోకి ఓ నాగుపాము ప్రవేశించింది. గమనించిన వారు దాన్ని బయటకు తరమడానికి ప్రయత్నం చేయడంతో అది తప్పించుకుంది. అయితే, అది పాదరక్షలు వదిలే చోటుకు వెళ్లి పిల్లల షూలో దాక్కొంది. ఆదివారం ఉదయం దానిని గుర్తించిన విజయబాలన్ వెంటనే అటవీశాఖ సమాచారం అందించాడు. దీంతో వారు అక్కడకు చేరుకొని షూలో ఉన్న మూడు అడుగుల పొడవు ఉన్న నాగుపామును పట్టుకొని అటవీ ప్రాంతంలో వదిలిపెట్టారు.