Star Hero : డిజాస్టర్ల నుంచి పాఠాలు నేర్చుకోని స్టార్ హీరో.. మరో సినిమా కూడా అదే బాట పట్టనుందా?

Star Hero

Star Hero : బాలీవుడ్ ఇండస్ట్రీలో అక్షయ్ కుమార్ డిఫరెంట్ హీరో. అందరు హీరోల్లా కాకుండా హిట్లు, ఫ్లాపుల గురించి ఆయన పెద్దగా పట్టించుకోరు. ఎక్కువ సినిమాలు చేస్తుంటారు. కానీ చాలా వరకు చిత్రాలు ఫెయిల్ అవుతూనే ఉంటాయి. అక్షయ్ కుమార్ గత 10 చిత్రాల్లో 9 డిజాస్టర్లుగా మిగిలాయి. ప్రస్తుతం ‘సెల్ఫీ’, ‘మిషన్ రాణిగంజ్’ వంటి సినిమాలు బాక్సాఫీస్ వద్ద రూ.2 కోట్ల వసూళ్లు రాబట్టిన సంగతి తెలిసిందే.

కొవిడ్ కు ముందు ఆయన విజయాల పరంపర కొనసాగినా.. కోవిడ్ అనంతర తీవ్రంగా దెబ్బతీసింది. ఆయన చివరి చిత్రం ‘బడే మియాన్.. ఛోటే మియాన్’ 250 కోట్ల భారీ నష్టాన్ని తెచ్చిపెట్టింది. సూర్య నటించిన ఓటీటీ హిట్ ‘సూరరై పోట్రు (ఆకాశం నీ హద్దురా)’ను ‘సర్ఫిరా’గా రీమేక్ చేస్తున్నారు. ఇందులో అక్షయ్ కుమార్ నటిస్తున్నారు.

అయితే, ఓటీటీ సినిమాను రీమేక్ చేయడం దుమారం రేపుతోంది. అతని అభిమానులు కూడా ఈ చిత్రంపై ఇంట్రస్ట్ చూపడం లేదు. ఇది ఇప్పుడున్న పరిస్థితిలో కెరీర్ పై మరింత ప్రభావం చూపుతుందని వారు భావిస్తున్నారు. ఇటీవల ‘సెల్ఫీ’, ‘బచ్చన్ పాండే’ వంటి రీమేక్ లు పరాయం పాలైనా మళ్లీ అక్షయ్ కుమార్ అవే తప్పులను చేసుకుంటూ వెళ్తున్నాడు.

ఆకాశం నీ హద్దురా జీఆర్ గోపీనాథ్ బయోపిక్ పేద వారికి కూడా విమానాయన ప్రయాణం కల్పించాలనే లక్ష్యంతో ‘డక్కెన్’ ఎయిర్ వేస్ ప్రారంభిస్తాడు. ఆయన జీవితంలో ఒడిదొడుకులు ఇందులో చూపించారు దర్శకుడు సుధా కొంగర. జూలై 12న రీమేక్ చేసిన ‘సెర్ఫీ’ విడుదల కాబోతున్న నేపథ్యలో ట్రైలర్ ఇటీవల రిలీజైంది.

ఒరిజినల్ లో సూర్య నటనతో పోలిస్తే అక్షయ్ నటన బాగాలేదని ట్రైలర్ చూస్తే తెలుస్తోంది. సూర్యతో అపర్ణ బాలమురళికి, రాధికా మదన్ ఏమాత్రం తీసిపోకుండా నటించింది. ఈ మూవీలో సూర్య కూడా గెస్ట్ రోల్ చేశారు. దీనిపై అక్షయ్ కుమార్ అభిమానులు కొంచెం కోపంగా ఉన్నారు.