Pushpa 2 : పుష్ప-2లో ఆరు నిమిషాల సీన్ కు అరవై కోట్ల ఖర్చు!

Pushpa 2

Pushpa 2 : పుష్ప తో అల్లు అర్జున్ కు పాన్ ఇండియా లెవల్లో ఫుల్ క్రేజ్ వచ్చింది. ఇప్పుడు పుష్ప-2 చిత్రీకరణ జరుపుకుంటోంది. పుష్ప మూవీకి అల్లు అర్జున్ కు జాతీయ ఉత్తమ నటుడి అవార్డు వచ్చిన సంగతి తెలిసిందే. దీంతో పుష్ప-2పై అంచనాలు భారీగానే ఉన్నాయి. దర్శకుడు సుకుమార్ ప్రత్యేకంగా తీర్చిదిద్దుతున్నారు. అల్లు అర్జున్ కెరీర్ లో మరో మైలు రాయి అవుతుందని చెబుతున్నారు.

పుష్ప-2లో అర్జున్ గంగమ్మ వేషధారణలో ఉండే సన్నివేశం గురించి ప్రస్తుతం చర్చలు నడుస్తున్నాయి. గంగమ్మ పాత్రలో అల్లు అర్జున్ ఆరు నిమిషాలు ఉంటుంది. దీనికి రూ.60  కోట్లు ఖర్చయిందట. ఈ పాత్ర మీద ఓ పాట కూడా ఉంటుంది. సినిమాలో ఇది అత్యంత ప్రాధాన్యం కలిగి ఉంటుంది. దీని కోసం నెల రోజులు చిత్రీకరణ చేశారట. ఇలా పుష్ప-2లో గంగమ్మ పాత్ర విశేషమైన ప్రాధాన్యం కలిగి ఉందని అంటున్నారు.

ఆరు నిమిషాల సన్నివేశానికి రూ.60 కోట్లు ఖర్చయిందంటే మామూలు మాటలు కాదు. దీంతో సినిమాపై అంచనాలు భారీగానే పెరుగుతున్నాయి. పుష్ప-2 ఆగస్టు 15న విడుదల చేయాలని అనుకున్నారు. విడుదల తేదీని మారుస్తారని ఓ టాక్ వస్తోంది. కానీ గడువు లోపలే పుష్ప-2 ను విడుదల చేయాలని భావిస్తున్నారని తెలుస్తోంది. అప్పుడే చాలా మంది దీన్ని కొనుగోలు చేసేందుకు మొగ్గు చూపుతున్నారు.

పుష్పను మూడు భాగాలుగా తేవాలని మేకర్స్ భావిస్తున్నారు. అందుకే సినిమా నిర్మాణం ఆలస్యం అవుతుందంటున్నారు. ఈనేపథ్యంలో పుష్ప-2 అనుకున్న విధంగానే రిలీజ్ చేస్తారని అంటున్నారు. రష్మిక మందన్నా కథానాయికగా నటిస్తోంది. పుష్పకు వచ్చిన ఆదరణ పుష్ప2కు కూడా వస్తుందని చెబుతున్నారు. దీంతో పుష్ప2 వైరల్ గా మారడం ఖాయమే అంటున్నారు.

సుకుమార్ ప్రతిభ ఏంటో అందరికీ తెలిసిందే. లెక్కల మాస్టారుగా అతడి టాలెంట్ గురించి ప్రేక్షకులకు ఓ అంచనా ఉంటుంది. దీంతోనే పుష్ప-2 సంచలనాలు నమోదు చేస్తుందని భావిస్తున్నారు. అల్లు అర్జున్ కు మరో మైలురాయిగా నిలవడం ఖాయంగా కనిపిస్తోంది. దీంతో పుష్ప-2 విడుదల కోసం ప్రేక్షకులు ఆసక్తిగా ఎదురు చూస్తున్నారు.