police case registered against Victory Venkatesh
Victory Venkatesh : టాలీవుడ్ లో వివాదాలకు ఆమడదూరం లో ఉండే విక్టరీ వెంకటేష్ లాంటి వ్యక్తి పోలీస్ కేసు నమోదు అవ్వడం ఏమిటి అని అనుకుంటున్నారా..?, నమ్మడానికి చాలా కష్టం గా ఉంది కదూ, కానీ నిజంగానే విక్టరీ వెంకటేష్ పై, మరియు ఆయన కుటుంబం పై కేసు నమోదు అయ్యింది. పూర్తి వివరాల్లోకి వెళ్తే హైదరాబాద్ లోని ఫిల్మ్ నగర్ లో వెంకటేష్ కుటుంబానికి సంబంధించిన స్థలం ని లీజుకి తీసుకొని నందకుమార్ అనే వ్యక్తి డెక్కన్ కిచెన్ అనే హోటల్ ని నడుపుతున్నాడు.
అయితే నిబంధనలకు విరుద్ధం గా కోర్టు లీగల్ ఆదేశాలను దిక్కరిస్తూ నా హోటల్ ని కూల్చివేశారు అంటూ వెంకటేష్ మరియు ఆయన కుటుంబం పై నాంపల్లి కోర్టు ని ఆశ్రయించాడు నందకుమార్, దీంతో ఆధారాలను పరిశీలించిన తర్వాత నాంపల్లి కోర్టు పోలీసులకు కేసుని నమోదు చేయాల్సిందిగా ఆదేశాలు జారీ చేసింది. ఈ వార్త ఇప్పుడు సోషల్ మీడియా అంతటా వైరల్ గా మారింది.
ఇన్నేళ్ల వెంకటేష్ సుదీర్ఘ ప్రస్థానం లో అటు సినీ కెరీర్ పరంగా కానీ, ఇటు వ్యక్తంగా కానీ ఒక్క చిన్న మచ్చ కూడా లేదు అనే గొప్ప పేరు ఉండేది. కానీ మొట్టమొదటిసారి ఆయన మీద ఒక పోలీస్ కేసు నమోదు అవ్వడం ఆయన ఫ్యాన్స్ ని కాస్త బాధకు గురి చేస్తున్న విషయం. ఇదంతా వెంకటేష్ ప్రమేయం లేకుండానే జరిగి ఉంటుందని వాళ్ళు భావిస్తున్నారు. ఇక వెంకటేష్ సినిమాల విషయానికి వస్తే రీసెంట్ గానే ఆయన ‘సైంధవ్’ చిత్రం తో సంక్రాంతి కానుకగా మన ముందుకు జనవరి 13 వ తారీఖున వచ్చిన సంగతి తెలిసిందే. భారీ అంచనాల నడుమ, వెంకటేష్ 75 వ చిత్రం గా విడుదలైన ఈ సినిమా, వెంకీ కెరీర్ లోనే అతి పెద్ద డిజాస్టర్ ఫ్లాప్ సినిమాలలో ఒకటిగా నిల్చింది.
సినిమాకి టాక్ బాగానే ఉన్నప్పటికీ, సంక్రాంతికి యాక్షన్ జానర్ సినిమాలకు ప్రేక్షకులు ఎక్కువ ఆసక్తి చూపకపోవడం వల్లే ఈ సినిమా కమర్షియల్ గా డిజాస్టర్ అవ్వడానికి కారణం అని అంటున్నారు ట్రేడ్ పండితులు. ఈ సినిమా తర్వాత వెంకటేష్ త్రివిక్రమ్ శ్రీనివాస్ తో ఒక చిత్రం చేయబోతున్నట్టు ఇండస్ట్రీ వర్గాల్లో టాక్ వినిపిస్తుంది. ఈ సినిమాలో వెంకటేష్ తో పాటుగా న్యాచురల్ స్టార్ నాని కూడా మరో హీరోగా నటిస్తాడని టాక్. త్వరలోనే దీనికి సంబంధించిన పూర్తి వివరాలు తెలియనున్నాయి.