Best Hyundai Car Offers
Hyundai Offers : కొత్త కారు కొనాలనుకుంటున్నారా? అయితే ఈ గుడ్ న్యూస్ మీ కోసమే మరి. భారీ డిస్కౌంట్ అందుబాటులో ఉంది. కళ్లు చెదిరే ఈ డిస్కౌంట్ సొంతం చేసుకోవచ్చు. రూ. లక్షల్లో డిస్కౌంట్ మీ సొంతం అవుతుంది.
ఈ కారు ఆఫర్లు పరిమిత కాలానికే అందుబాటులో ఉంటాయి. ఫిబ్రవరి చివరి వరకే ఈ డిస్కౌంట్ లభిస్తుంది. కంపెనీ ఎప్పుడైనా ఈ ఆఫర్‌ను ఎత్తేసే అవకాశం ఉంది. ఇంతకీ ఏఏ కార్లపై ఆఫర్లు వర్తిస్తున్నాయో తెలుసుకుందామా?
కారు ఆఫర్ అనేది డీలర్‌ షిప్ ప్రాతి పదికన మారుతుంటుంది. కారు మోడల్, వేరియంట్ చొప్పున ఆఫర్‌లో మార్పు ఉంటుంది. ఆఫర్‌లో పలు రకాల డీల్స్ ఉంటాయి. అందువల్ల ఆఫర్ వివరాలు తెలుసుకోవాలంటే దగ్గరిలోని షోరూమ్‌కు వెళ్లాల్సిందే.
ప్రముఖ కార్ల తయారీ కంపెనీల్లో ఒకటిగా ఉన్న హ్యుందాయ్ భారీ ఆఫర్లు లభిస్తున్నాయి. గ్రాండ్ I10 నియోస్ పై రూ. 48 వేల వరకు తగ్గింపు పొందవచ్చు.
రూ. 48వేలలో క్యాష్ డిస్కౌంట్ రూ. 35 వేలు కాగా.. ఎక్స్చేంజ్ బోనస్ రూ. 10 వేలు, ప్రైడ్ ఆఫ్ ఇండియా ఆఫర్ కింద మరో రూ. 3 వేల తగ్గింపు పొందొచ్చు. మొత్తం కలుపుకుంటే రూ. 48 వేల తగ్గింపు ఉంటుంది.
హ్యుందాయ్ I10పై రూ. 25 వేల తగ్గింపు ఉంది. ఇందులో క్యాష్ డిస్కౌంట్ రూ. 15 వేలు, ఎక్స్చేంజ్ బోనస్ రూ. 10 వేలు తగ్గింపు ఉంది.
‘హ్యుందాయ్ ఆరా’పై రూ. 33 వేల డిస్కౌంట్ అందుబాటులో ఉంది. క్యాష్ డిస్కౌంట్ రూ. 20 వేలు, ఎక్స్చేంజ్ బోనస్ రూ. 10 వేలు, ప్రైడ్ ఆఫ్ ఇండియా కింద మరో రూ. 3 వేలు తగ్గింపు వర్తిస్తుంది.
‘హ్యుందాయ్ వెర్నా’ విషయానికి వస్తే.. రూ. 55 వేల వరకు తగ్గింపు ఇస్తున్నారు. క్యాష్ డిస్కౌంట్ రూ. 30 వేలు, ఎక్స్చేంజ్ బోనస్ రూ. 25 వేల వరకు కాగా ఇందులో ప్రైడ్ ఆఫ్ ఇండియా కింద తగ్గింపు లేదు.
‘హ్యుందాయ్ అల్కజర్’పై రూ. 45 వేల తగ్గింపు ఉంది. క్యాష్ డిస్కౌంట్ రూ. 25 వేలు, ఎక్స్చేంజ్ బోనస్ రూ. 20 వేల వరకు ఉంది.
‘హ్యుందాయ్ టస్కన్’పై భారీ ఆఫర్ ఉంది. రూ. 2 లక్షల వరకు తగ్గింపు పొందవచ్చు. 2023 మోడల్‌కు ఆఫర్ వర్తిస్తుంది. 2024 మోడల్ అయితే రూ. 50 వేల తగ్గింపు లభిస్తుంది.
‘హ్యుందాయ్ వెన్యూ’పై రూ. 30 వేల వరకు తగ్గింపు ఉంది. I20ఎన్‌లైన్ పై రూ. 15 వేల డిస్కౌంట్ సొంతం చేసుకోవచ్చు. హ్యుందాయ్ కోన ఎలక్ట్రిక్ కారుపై రూ. 4 లక్షల వరకు తగ్గింపు ఉంటుంది. ఎక్స్‌టర్, క్రెటాపై ఎలాంటి ఆఫర్లు లేవు.