Pawan Kalyan : సుజీత్ డైరెక్షన్లో ప్రభాస్, పవన్ కళ్యాణ్‌తో మల్టీస్టారర్

Pawan Kalyan : డైరెక్టర్ సుజీత్ గతంలో ప్రభాస్ తో సాహో సినిమాను తీసి అభిమానులను మెప్పించిన సంగతి తెలిసిందే. కమర్షియల్ గా ఈ సినిమా జస్ట్ పాస్ అయింది కానీ స్టైలిష్, లుక్స్, టేకింగ్ పరంగా ప్రభాస్ కెరీర్ లో బెస్ట్ సినిమాల్లో ఒకటిగా నిలిచింది. అసలు యాక్షన్ సీన్లు అయితే హాలీవుడ్ రేంజ్ లో ఉంటాయి. దీంతో సుజీత్ అందరికి నచ్చేశాడు. ప్రస్తుతం సుజీత్ పవన్ కళ్యాణ్ తో ఓజీ సినిమా చేస్తున్న సంగతి తెలిసిందే. ఇప్పటికే ఓజీ సినిమా నుంచి వచ్చిన గ్లింప్స్ తో సినిమాపై భారీ అంచనాలు నెలకొన్నాయి. పవన్ అభిమానులు అయితే సుజీత్ ని నెత్తి మీద పెట్టుకుంటున్నారు. ఓజీ సినిమాలో పవన్ ని స్టైలిష్ గా, ఫుల్ మాస్ గా చూపించబోతున్నాడు సుజీత్.

సుజీత్ భజే వాయువేగం సినిమా ప్రమోషన్స్ లో సంచలన ప్రకటన చేశారు. ఈ ప్రమోషన్స్ లో ఓజీ సినిమా గురించి కూడా మాట్లాడాడు. అలాగే ఓ ఆసక్తికర కామెంట్ చేశాడు. కుదిరితే పవన్ కళ్యాణ్, ప్రభాస్ లతో ఓ మల్టీస్టారర్ చేయాలని ఉందని తెలిపాడు. ఇంకేముంది ఈ కామెంట్స్ వైరల్ అయ్యాయి. ప్రభాస్ సాహో సినిమాకు, పవన్ ఓజీ సినిమాకు లింక్ ఇచ్చే అవకాశం కూడా ఉంది కథల పరంగా చూస్తే. దీంతో ప్రభాస్, పవన్ అభిమానులు ఆ రెండు సినిమాలను కలిపేసి ఓ సినిమాటిక్ యూనివర్స్ తీసుకొచ్చి అదిరిపోయే భారీ మల్టీస్టారర్ సినిమా ప్లాన్ చేయమని అడుగుతున్నారు.