Mollywood Star
Mollywood Star : ప్రస్తుతం తెలుగు సినిమా ప్రపంచవ్యాప్తంగా ఆదరణ పొందుతున్నది. టాలీవుడ్ మార్కెట్ కూడా పెరగడంతో ఇతర భాషల హీరోలు, నటీనటులు తెలుగు సినిమాల్లో నటించడానికి ఆసక్తి చూపుతున్నారు. ఒకప్పుడు టాలీవుడ్ లో హీరోయిన్స్ మాత్రమే ఎక్కవగా దిగుమతి అయ్యేవారు. అడపాదడపా తమిళ హీరోలు మాత్రమే తెలుగులో చేసేవారు. అది కూడా వారి మార్కెట్ పెంచుకోవడానికి మాత్రమే అన్నట్లుగా ఉండేది.
ప్రస్తుతం టాలీవుడ్ సినిమా కొత్త పుంతలు తొక్కుతున్నది. చిన్న హీరోల సినిమాలు కూడా హిందీలో డబ్ చేసుకొని చూస్తున్నారు. దీంతో సౌత్ హీరోలతో పాటు నార్త్ హీరోలు కూడా తెలుగులో విలన్ గా చేసేందుకూ వెనకాడడం లేదు. బాలీవుడ్ స్టార్ హీరోలు సంజయ్ దత్, బాబీ డియోల్, ఇమ్రాన్ హష్మీ, సైఫ్ అలీ ఖాన్ తెలుగు చిత్రాల్లో విలన్ పాత్రలతో అలరించేందుకు మొగ్గు చూపుతున్నారు.
మలయాళ సూపర్ స్టార్ మమ్ముట్టి కొడుకు దుల్కర్ సల్మాన్ తెలుగులో ఎక్కువగా సినిమాలు చేస్తున్నాడు. మహానటి సినిమాలో జెమిని గణేశన్ క్యారెక్టర్ తో టాలీవుడ్ కు పరిచమయ్యాడు. ఆ తర్వాత హను రాఘవపూడి దర్శకత్వంలో సీతారామం సినిమా చేశాడు. అది సూపర్ హిట్టయ్యింది. తాజాగా సెన్సేషనల్ మూవీ కల్కిలోనూ ఓ చిన్న రోల్ చేశాడు. వరుసగా మూడు సూపర్ హిట్ సినిమాలు రావడంతో దుల్కర్ తెలుగు సినిమాలకు మొగ్గు చూపతున్నాడు. సేనాపతి దర్శకుడు పవన్ సాధినేని దర్శకత్వంలో ‘ఆకాశంలో ఒక తార’ తో పాన్ ఇండియా సినిమా చేస్తున్నాడు.
ఇక గీత ఆర్ట్స్, లైట్ బాక్స్, స్వప్న సినిమా సంస్థల సంయుక్త ఆధ్వర్యంలో ఈ సినిమా తెరకెక్కిస్తున్నట్లు టాక్. అయితే ఈ చిత్రానికి సంబంధించిన మిగతా నటీనటలు, టెక్నీషియన్ల వివరాలను త్వరలో వెల్లడిస్తామని మేకర్స్ ప్రకటించారు. ఇక టాలీవుడ్ హంక్ రానా నిర్మాతగా వ్యవహరిస్తున్న ఓసినిమాలో దుల్కర్ సల్మాన్ చేస్తున్నాడు. ఇప్పటికే ఈ సినిమా అనౌన్స్ కూడా చేశారు.