liquor Load : మద్యం లోడ్ తో వెళ్తున్న లారీ బోల్తా పడడంతో జనం ఎగబడ్డారు. పెబ్బేరు నుంచి హైదరాబాద్ కు మద్యం లోడుతో వెళ్తున్న కంటైనర్ జడ్చర్లలో హైవే-44పై జంజం హోటల్ వద్ద ఆగి ఉండగా మరో లారీ ఢీకొట్టింది. ఈ ఘటన గురువారం (అక్టోబరు 24) తెల్లవారు జామున జరిగింది. ఈ ఘటనలో కంటైనర్ బోల్తా పడడంతో అందులో ఉన్న మద్యం బాటిల్లు చెల్లాచెదురయ్యాయి. దీంతో కొందరు లిక్కరు బాటిల్లను ఎత్తుకుపోయారు. హైవేపై ట్రాఫిక్ జాం కావడంతో పోలీసులు ఘటనా స్థలానికి వెళ్లి ట్రాఫిక్ క్లియర్ చేశారు. మందు బాటిళ్ల కోసం ఎగబడ్డ స్థానికులను చెదరగొట్టారు.