Puppalaguda : పుప్పాలగూడలోని అపార్టుమెంట్ లో భారీ అగ్నిప్రమాదం

Puppalaguda

Puppalaguda : మణికొండ పరిధి పుప్పాలగూడలో భారీ అగ్నిప్రమాదం చోటు చేసుకుంది. గోల్డెన్ ఒరియల్ అపార్టుమెంట్ లోని ఓ ఫ్లాట్ లో విద్యుదాఘాతంతో ఈ ప్రమాదం జరిగింది. ఒక్కసారిగా గ్యాస్ సిలిండర్ పేలడంతో మంటలు చెలరేగాయి. దీంతో అపార్టుమెంట్ వాసులు బయటకు పరుగులు తీశారు. ఫ్లాట్ లోని ఐదుగురు కుటుంబ సభ్యులు బయటకు వచ్చి ప్రాణాలు దక్కించుకున్నారు. ఈ ఘటనలో ఫ్లాట్ పూర్తిగా దగ్ధమైంది. డబ్బులు, దస్తులు, విలువైన సామగ్రి కాలి బూడిదయ్యాయి. సుమారు రూ.50 లక్షల ఆస్తి నష్టం వాటిల్లినట్లు సమాచారం.

ఫైరింజన్ పోవడానికి దారి లేక గంట పాటు అగ్నిమాపక సిబ్బంది శ్రమించారు. సమయానికి వచ్చినా లోనికి పోవడానికి దారిలేక చేతులెత్తేశారు. ప్రస్తుతం మూడు ఫైరింజన్ల సహాయంతో మంటలు ఆర్పారు. నిబంధనలకు విరుద్ధంగా అపార్టుమెంట్ నిర్మాణం ఉండడంతో నిర్వాహకులపై పోలీసులు సీరియస్ అయ్యారు.