Kolkata : ఈడెన్ గార్డెన్స్ లో కోల్ కతా ఘన విజయం

Kolkata

Kolkata Night Riders : కోల్ కతా నైట్ రైడర్స్, ఢిల్లీ క్యాపిటల్స్ మధ్య ఈడెన్ గార్డెన్స్ లో జరిగిన మ్యాచ్ లో కోల్ కతా సమిష్టిగా రాణించి ఢిల్లీ క్యాపిటల్స్ పై ఘన విజయం సాధించింది. ముఖ్యంగా కోల్ కతా బౌలర్లు చెలరేగి ఢిల్లీని తక్కువ స్కోరుకే కట్టడి చేశారు. ఎక్కడా కూడా ఢిల్లీకి కోలుకునే చాన్స్ ఇవ్వలేదు.

ఢిల్లీ బ్యాటర్లు అందరూ విఫలం కాగా 153 పరుగుల వద్ద మొదటి ఇన్సింగ్స్ ముగించింది.  చివరకు కుల్దీప్ యాదవ్ 35 పరుగులతో రాణించకపోయి ఉండే 120 పరుగులు కూడా చేసి ఉండేది కాదు. ఢిల్లీ బ్యాటర్లు పృథ్వీ షా, జేమ్స్ ఫ్రెజర్, పంత్, అక్షర్ పటేల్ ఇలా అందరూ పెవిలియన్ కు క్యూ కట్టిన వేళ 111 పరుగులకే 8 వికెట్లు కోల్పోయి పీకల్లోత కష్టాల్లో కూరుకుపోయింది.

చివర్లో కుల్దీప్ యాదవ్ 5 ఫోర్లు, ఒక సిక్సుతో మెరుపులు మెరిపించకపోయి ఉండే మరింత తక్కువ స్కోరుకే పరిమితమయ్యేది. ఢిల్లీ ఇప్పటి వరకు 11 మ్యాచ్ ల్లో కేవలం 5 గెలిచింది. ఇంకా మూడు మ్యాచులు మిగిలి ఉండగా.. మూడింట గెలిచి మెరుగైన రన్ రేట్ ఉంటే ప్లే ఆప్స్ కు వెళ్లే అవకాశాలు ఉంటాయి.

కోల్ కతా బౌలర్లు అందరూ కట్టుదిట్టంగా బౌలింగ్ వేశారు. వరుణ్ చక్రవర్తి మూడు వికెట్లతో పాటు తక్కువ పరుగులు ఇవ్వడంతో మ్యాన్ ఆప్ ది మ్యాచ్ లభించింది. కోల్ కతా ఓపెనర్ ఫిల్ సాల్ట్ ఎప్పటిలాగే దూకుడుగా ఆడి 154 పరుగుల టార్గెట్ ను చేజ్ చేయడంలో తోడ్పాటు నందించాడు. అయిదు సిక్సులు, 7 ఫోర్ల సాయంతో 68  పరుగులు చేసి అక్షర్ బౌలింగ్ లో బౌల్డ్ అయ్యాడు. తొమ్మిది మ్యాచుల్లో ఆరు విజయాలు, మూడు ఓటములతో 12 పాయింట్ల తో రెండో స్థానంలో కొనసాగుతుంది. మంచి నెట్ రన్ రేట్ ఉన్న నేపథ్యంలో ఇంకో మూడు మ్యాచులు గెలిస్తే ప్లే ఆప్ బెర్త్ ఖాయం చేసుకుంటుంది.