Adulterated Liquor
Adulterated Liquor : ఇంట్లో కల్తీ మద్యం తయారుచేస్తున్న ముఠాను ముషిరాబాద్ ఎక్సైజ్ పోలీసులు పట్టుకున్నారు. లాలాగూడ, విజయపురి కాలనీకి చెందిన గేరాల్డింగ్ మిల్స్ (54) అనే గృహిణి ఇంట్లోనే ఎక్సైజ్ నిబంధనలకు విరుద్ధంగా కల్తీ వైన్ తయారుచేస్తోంది. ద్రాక్షపండ్లు, చక్కెరతో వైన్ తయారు చేసి దాన్ని లీటర్, రెండు లీటర్ల బాటిల్స్ లో నింపి విక్రయిస్తోంది. కొంతమంతి ఆర్డర్ ఇచ్చి కొనుగోలు చేస్తున్నట్లు సమాచారం రావడంతో ఎక్సైజ్ అధికారులు ఆకస్మిక తనిఖీ చేశారు.
ముషిరాబాద్ ఆబ్కారీ పోలీసులు చేసిన దాడిలో 90 కల్తీ వైన్ బాటిల్స్ పట్టుకొని సీజ్ చేశారు. గేరాల్డింగ్ మిల్స్ తో పాటు పలువురిని అరెస్టు చేశారు. వైన్ ను నింపడానికి సిద్ధంగా ఉన్న ఖాళీ సీసాలను కూడా సీజ్ చేశారు. గతంలోనూ ఆ మహిళ కల్తీ వైన్ తయారు చేస్తూ అరెస్ట్ అయినట్లు పోలీసులు గుర్తించారు.