Visakhapatnam : విశాఖలోని ఎస్బీఐ ప్రధాన కార్యాలయంలో అగ్ని ప్రమాదం

Visakhapatnam SBI : విశాఖ రెడ్నం గార్డెన్స్ లోని ఎస్బీఐ ప్రధాన కార్యాలయంలో అగ్ని ప్రమాదం చోటు చేసుకుంది. ఈ క్రమంలోనే పెద్ద ఎత్తున మంటలు ఎగిసిపడ్డాయి. దీంతో ఆ ప్రాంతమంతా దట్టమైన పొగలు వ్యాపించాయి. గమనించిన స్థానికులు వెంటనే అగ్నిమాపక శాఖ అధికారులకు, పోలీసులకు సమాచారం ఇచ్చారు. హుటాహుటిన అగ్నిమాపక సిబ్బంది అక్కడికి చేరుకొని నాలుగు అగ్నిమాపక వాహనాలతో మంటలను ఆర్పివేశారు.

ఈ ప్రమాదంలో కంప్యూటర్లు, ఫర్నిచర్, దస్త్రాలు దగ్ధమయ్యాయి. మంటలు అదుపులోకి వచ్చినా పొగ మాత్రం వదల్లేదు. దట్టమైన పొగతో చుట్టుపక్కల ప్రజలు అవస్థలు పడుతున్నారు. లాకర్ లోకి మంటలు వెళ్లేదని డబ్బు భద్రంగానే ఉందని బ్యాంకు అధికారులు తెలిపారు. షార్ట్ సర్క్యూట్ వల్లనే ప్రమాదం జరిగినట్లు ప్రాథమికంగా అంచనాకు వచ్చారు. అగ్నిప్రమాదంపై కేసు నమోదు చేసి పోలీసులు దర్యాప్తు చేస్తున్నారు.