Dubai millionaire
Dubai millionaire : ప్రస్తుతం నెట్టింట ఏ సోషల్ మీడియా ప్లాట్ ఫాంలో చూసినా భార్యాభర్తల మధ్య జోక్స్, భార్యల మీద భర్తలు చేసే కామెంట్లు, భార్యల తీరే ఇంత అంటూ భర్తల నిట్టూర్పుల వీడియోలు, మీమ్స్ చూస్తూనే ఉన్నాం. కానీ ఓ భర్త మాత్రం తన భార్య కోసం ఏకంగా ఏ ఓ ఐలాండ్ నే కొనేశాడు. ఈ విషయాన్ని సదరు భార్య సోషల్ మీడియాలో పోస్ట్ చేయగా ప్రస్తుతం నెట్టింట వైరల్ అవుతున్నది.
బీచ్‌లో సురక్షితంగా ఉండేందుకు తన బిలియనీర్ భర్త తన కోసం ఒక ప్రైవేట్ ద్వీపాన్ని కొనుగోలు చేశాడని దుబాయ్ గృహిణి పేర్కొంది. 26 ఏళ్ల సౌదీ యువతి ఇన్‌స్టాగ్రామ్‌లో ప్రైవేట్ ద్వీపం వీడియోను షేర్ చేసింది. ఈ వీడియో ప్రస్తుతం సోషల్ మీడియాలో వైరల్ అవుతుండగా, కొందరు ఆమెపై విమర్శలు గుప్పిస్తున్నారు.
దుబాయ్ కి కు చెందిన మిలియనీర్, వ్యాపారవేత్త అయిన జమాల్ అల్ నదాక్ తన భార్య సౌదీ అల్ నదాక్ కోసం హిందూ మహాసముద్రంలో ఓ ప్రైవేట్ ఐలాండ్‌ను కొనుగోలు చేశాడు. ఇందు కోసం 50 మిలియన్ల డాలర్లు ఖర్చు చేశాడట. అంటే దాదాపు రూ.418 కోట్లు వెచ్చించాడు. ఈ విషయాన్ని ఇన్‌స్టాగ్రాం వేదికగా సౌదీ అల్ నదాక్ వెల్లడించింది. ఆ ఐలాండ్ వీడియోను ఇన్ స్టాలో షేర్ చేసింది. ‘‘నేను బికినీ ధరించేందుకు నా మిలియనీర్ భర్త ఓ ద్వీపాన్ని కొనుగోలు చేశాడు’’ అంటూ ఓ కోట్ జత చేసింది.