Traffic ACP : తాగి పట్టుబడి చిందులేసిన ట్రాఫిక్ ఏసీపీ.. ముగ్గురిపై కేసు నమోదు

Traffic ACP

Traffic ACP : హైదరాబాద్ లోని మధురానగర్ లో బుధవారం రాత్రి డ్రంక్ అండ్ డ్రైవ్ తనిఖీల్లో సిద్దిపేట ట్రాఫిక్ ఏసీపీ సుమన్ కుమార్ తో పాటు మరో ముగ్గురు పట్టుబడ్డారు. పోలీసులు తెలిపిన ప్రకారం.. ఎస్సార్ నగర్ ట్రాఫిక్ పీఎస్ ఎస్సై కాంతారావు తన సిబ్బందితో కలిసి బుధవారం రాత్రి డ్రంకెన్ డ్రైవ్ తనిఖీలు నిర్వహిస్తున్నారు. రాత్రి 11.30 గంటలకు మైత్రీవనం నుంచి ఎస్సార్ నగర్ వైపునకు ఓ కారు వచ్చింది. ట్రాఫిక్ పోలీసులను చూసి డ్రైవింగ్ సీటులో ఉన్న వ్యక్త పక్కసీటులోకి మారారు. ఇది గమనించిన మహిళా కానిస్టేబుల్ ఎస్సైకి తెలిపింది.

ఎస్సై డ్రైవింగ్ చేసిన వ్యక్తిని బ్రీత్ అనలైజర్ లో ఊదమని కోరగా, ఊదనని చెప్పాడు. అప్పుడు ఎస్సై వద్దకు వచ్చిన సుమన్ కుమార్ తాను సిద్దిపేట ఎసీపీని, కేసు లేకుండా పంపాలని సూచించారు. కాంతారావు కుదరదనడంతో ఏసీపీ సుమన్ కుమార్ ఆవేశంతో ఆయనను నెట్టివేయడంతో పాటు కారులో ఉన్నవారంతా కలిసి న్యూసెన్స్ చేశీరు. ఈ మేరకు ఏసీపీతో పాటు డ్రైవర్ ఎన్.జైపాల్ రెడ్డి, కారులో ఉన్న ఎన్.శ్రీనివాస్, జి.వెంకట్ రావుపై మధురానగర్ పోలీసులు కేసు నమోదు చేశారు.