Petrol tanker : పెట్రోల్ ట్యాంకర్ పేలి 94 మంది మృతి

petrol tanker

petrol tanker : పెట్రోల్ ట్యాంకర్ పేలిన ఘటనలో 94 మంది పైగా మృతి చెందారు. ఈ ఘటన నైజీరియాలోని జిగావా రాష్ట్రం మజియా పట్టణంలో మంగళవారం అర్ధరాత్రి దాటిన తర్వాత చోటుచేసుకుంది. కనో నుంచి బయల్దేరిన ఓ పెట్రోల్ ట్యాంకర్ అర్ధరాత్రి 12.30 గంటల సమయంలో ప్రమాదానికి గురైంది. డ్రైవర్ నియంత్రణ కోల్పోవడంతో హైవేపై బోల్తా పడింది. ఈ విషయం తెలుసుకున్న కొంతమంది స్థానికులు ఇంధనం కోసం ట్యాంకర్ వద్దకు వెళ్లారు. వారు పెట్రోల్ తీసుకుంటుండగా మంటలు చెలరేగి ట్యాంకర్ ఒక్కసారిగా పేలిపోయింది.

ఈ ఘటనలో 94 మంది మృతి చెందినట్లు స్థానిక పోలీసులు వెల్లడించారు. మరో 50 మంది వరకు గాయపడ్డారు. క్షతగాత్రుల్లో కొందరి పరిస్థితి విషమంగా ఉందని పోలీసులు వెల్లడించారు. మృతుల సంఖ్య మరింత పెరిగే అవకాశం ఉందని సమాచారం.