Anakapalli News
Anakapalli : అనకాపల్లి జిల్లాలో పోలీసులు 912 కిలోల గంజాయిని పట్టుకున్నారు. ఒడిశా నుంచి ఏపీకి లారీలో తరలిస్తుండగా అనకాపల్లి జిల్లాలో గంజాయితో పాటు ఇద్దరు నిందితులను పోలీసులు పట్టుకొని అరెస్టు చేశారు. మరో ఐదుగురిని అరెస్టు చేయాల్సి ఉందని అనకాపల్లి జిల్లా ఎస్పీ దీపిక తెలిపారు. పోలుసులు స్వాధీనం చేసుకున్న గంజాయి విలువ రూ.45 లక్షలు ఉంటుందని అంచనా వేశారు.
ఇదిలాఉండగా, విజయవాడలో ఇప్పటివరకు సుమారు 200 కిలోల గంజాయిని పట్టుకున్నట్లు డీసీపీ హరికృష్ణ తెలిపారు. గంజాయి విక్రయిస్తున్న 120 మందిని అదుపులోకి తీసుకొని, 35 కేసులు నమోదు చేసినట్లు ఆయన వెల్లడించారు. మత్తు పదార్థాలు సేవించే 150 ప్రాంతాలను గుర్తించామని, అనుమానాస్పదంగా ఉన్న ప్రాంతాల్లో నిఘా పెడుతున్నామన్నారు. ప్రజల్లో అవగాహన కోసం ప్రత్యేక కార్యక్రమాలు చేస్తున్నట్లు తెలిపారు.