Kalki Collections
Kalki Collections : కల్కి 2898 ఏడీ మూవీ రికార్డు కలెక్షన్ల దిశగా దూసుకుపోతుంది. ఇప్పటికే 730 కోట్లకు పైగా వసూలు చేసినట్లు ఈ మూవీ డైరెక్టర్ నాగ్ అశ్విన్ వెల్లడించారు. మీడియాకు ప్రత్యేకంగా ఇచ్చిన ఇంటర్వ్యూలో నాగ్ అశ్విన్ అనేక విషయాలు పంచుకున్నారు. నాగ్ అశ్విన్ దర్శకత్వంలో తెరకెక్కిన ఈ మూవీ అనేక రికార్డులను బద్దలు కొడుతూ.. 10 రోజు కలెక్షన్లతో 900 కోట్ల రూపాయల మార్కును దాటబోతుంది.
తెలుగు, తమిళ, కన్నడ, మలయాళ ఇతర ఇండస్ట్రీలతో దాదాపు రూ. 450 కోట్లు వసూలు చేసిందని, కేవలం హిందీ ఇండస్ట్రీలోనే రూ.200 కోట్లకు పైగా వసూలు చేస్తూ ముందుకు సాగుతుందన్నారు. ఇక ఓవర్సీస్ మార్కెట్‌లో కల్కి చిత్రం తన కలెక్షన్ల ప్రవాహంతో సంచలనం సృష్టిస్తోంది. ఈ చిత్రం నార్త్ అమెరికాలో 15 మిలియన్లు వసూలు చేయగా.. ప్రపంచ వ్యాప్తంగా మరో 10 మిలియన్ల డాలర్లను వసూలు చేసి ముందుకు దూసుకుపోతుంది. ఓవర్సీర్ లో కూడా దాదాపు రూ. 200 కోట్ల కలెక్షన్లతో దూసుకుపోతుంది.
దీంతో ఆదివారం పూర్తయ్యే సరికి కల్కి 2898 ఏడీ మొత్తం రూ. 900 కోట్లకు పైగా కలెక్షన్ చేసి 1000 కోట్ల క్లబ్ లోకి దూసుకుపోనుంది. నాగ్ అశ్విన్ డైరెక్షన్ చేసిన కల్కి మహా భారతంతో పాటు సైన్స్ ఫిక్షన్ కలగలిపి ప్రేక్షకులను థియేటర్లకు రప్పిస్తున్నాడు.
10 రోజుల్లో ఇప్పటికే 855 కోట్ల రూపాయలను కలెక్షన్ చేసింది. ఆదివారం ముగిసే సరికి 900 కోట్ల రూపాయలను కూడా దాటేసి తెలుగు డైరెక్టర్ తీసిన మరో మూవీ 1000 కోట్ల కలెక్షన్ దిశగా పరుగులు తీస్తుంది. అయితే కల్కి 2898 ఏడీ మూవీ సెకండ్ పార్ట్ లో అసలు స్టోరీ దాగుందని నాగ్ అశ్విన్ మీడియా సమావేశంలో చెప్పడంతో సినిమా పై మరింత హైప్ పెరిగింది. సెకండ్ హాప్ లో కమల్ హాసన్ పాత్ర, కృష్ణుడి పాత్ర చాలా కీలకంగా మారనుందని తెలుస్తోంది.