9 movies release in this week
Movies This Week : తెలుగు సినిమా ఇండస్ట్రీకి సంక్రాంతి అత్యంత ప్రధానమైనది. అందుకే సంక్రాంతికి ముందు సినిమాలు.. సంక్రాంతికి తర్వాత సినిమాలు అంటూ డివైడ్ చేసి మాట్లాడుకోవాలి. ఏటా సంక్రాంతికి భారీ సినిమాలే విడుదలవుతాయి. ఈ సారి సంక్రాంతికి టాప్ హీరోల సినిమాలు రిలీజైనా.. యంగ్ హీరో తేజ సజ్జ సినిమా హను-మాన్ మాత్రమే బాక్సాఫీస్ హిట్ సాధించింది.
ఇక సంక్రాంతి తర్వాత పెద్దగా రిలీజ్ లు లేవు. రిపబ్లిక్ డేకు (జనవరి 26)కు ధనుష్ హీరోగా చేసిన కెప్టెన్ మిల్లర్ సినిమా వచ్చినా అది బాక్సాఫీస్ వద్ద బోల్తా కొట్టింది. దీని తర్వాత, గత వారం పెద్దగా రిలీజ్ లేకపోవడంతో బాక్సాఫీస్ ను డామినేట్ చేసింది హను-మాన్ అనే చెప్పాలి. ఇప్పుడు ఈ శుక్రవారం వరుస చిన్న సినిమాలు విడుదలకు క్యూ కట్టాయి.
కలర్ ఫొటో ఫేమ్ సుహాస్ నటించిన ‘అంబాజీపేట మ్యారేజ్ బ్యాండ్’ ఈ వారం విడుదలైన చిత్రాల్లో చెప్పుకోదగినదిగా కనిపిస్తుంది.. గీతా ఆర్ట్స్ పిక్చర్స్2 సంస్థ ఈ చిత్రాన్ని నిర్మిస్తోంది. ఫిబ్రవరి 2న దీన్ని ప్రేక్షకుల ముందుకు తీసుకురానున్నారు.
తర్వాతి సినిమా జూనియర్ నరేష్ నటించిన అగస్త్య క్రైమ్ కామెడీ ‘కిస్మత్’ కూడా ఈ వారం ప్రేక్షకుల ముందుకు రాబోతోంది. బిగ్ బాస్ ఫేమ్ సోహెల్ నటించిన ‘బూతు బాలరాజు’ ఈ వారం రేసులో ఉన్న మరో సినిమా.
ఈ గుర్తింపు పొందిన సినిమాలతో పాటు వరుస చిన్న సినిమాలు ఫిబ్రవరి 2 (శుక్రవారం) విడుదలకు సిద్ధంగా ఉన్నాయి. అవి గేమ్ ఆన్, ధీర, హ్యాపీ ఎండింగ్, చిక్లెట్స్, మెకానిక్, ఉర్వి. ఈ వారం తొమ్మిదికి పైగా సినిమాలు రిలీజ్ అవుతున్నాయి. మరి ఇందులో బాక్సాఫీస్ వద్ద విజేతగా ఏ మూవీ నిలుస్తుందో చూడాలి.