Chhattisgarh : ఛత్తీస్ గఢ్ లో పాన్ షాపుపై పిడుగు పడి 8 మంది మృతి

Chhattisgarh

Chhattisgarh : ఛత్తీస్ గఢ్ జిల్లాలో పిడుగు పడి ఒకే చోట 8 మంది మృతి చెందారు. ఛత్తీస్ గఢ్ రాష్ట్రం రాజనంద్ గావ్ జిల్లా జోరాతరాయి గ్రామంలో సోమవారం భారీ వర్షం పడింది. దీంతో గ్రామంలోని కొందరు వ్యక్తులు సమీపంలో ఉన్న పాన్ షాప్ వద్దకు చేరుకున్నారు. ఆ సమయంలో ఉరుములు, మెరుపులతో కూడిన పిడుగు పాన్ షాపు మీద పడింది. దీంతో అక్కడికక్కడే 8 మంది మృతి చెందగా ఒకరికి గాయాలయ్యాయి.

మృతుల్లో ఐదుగురు విద్యార్థులు ఉన్నారు. గాయపడిన వ్యక్తిని ఆస్పత్రికి తరలించగా చికిత్స పొందుతున్నాడు. విషయం తెలుసుకున్న రాజనంద్ గావ్ కలెక్టర్, ఎస్పీ ఘటనా స్థలానికి చేరుకొని వివరాలు సేకరించారు.