Pedakurapadu : పెదకూరపాడులోని తాళ్లూరులో టీడీపీలోకి 70 కుటుంబాలు

Pedakurapadu

Pedakurapadu : పెదకూరపాడు నియోజక వర్గంలోని  క్రోసూరు మండలం తాళ్లూరులో టీడీపీ అభ్యర్థి భాష్యం ప్రవీణ్ శుక్రవారం ఎన్నికల ప్రచారం నిర్వహించారు. ఈ సందర్భంగా తాళ్లూరులోని సుమారు 70 కుటుంబాలు తెలుగుదేశం పార్టీలో చేరాయి. ముందుగా ఎన్నికల ప్రచారంలో భాగంగా గ్రామంలో రోడ్ షో నిర్వహించగా తెలుగుదేశం, జనసేన, బిజెపి పార్టీల నాయకులు, కార్యకర్తలు, మహిళలు, యువకులు పెద్ద ఎత్తున పాల్గొన్నారు.

ఈ సందర్భంగా భాష్యం ప్రవీణ్ ను ఘనంగా సత్కరించారు. పార్టీలో చేరిన వారికి  భాష్యం ప్రవీణ్  పార్టీ కండువాలు కప్పి సాదరంగా ఆహ్వానించారు. అనంతరం ఆయన మాట్లాడుతూ రాష్ట్రంలో రానున్నది తెలుగుదేశం ప్రభుత్వమేనని అన్నారు. టీడీపీ, జనసేన, బిజేపీ నాయకులు, కార్యకర్తలు అందరూ కలిసికట్టుగా గెలుపు కోసం కృషిచేయాలని కోరారు. ఈ సంర్భంగా గ్రామంలో ప్రజలను ఆప్యాయంగా పలకరిస్తూ వారి సమస్యలు అడిగి తెలుసుకున్నారు.