Bihar
Bihar : బీహార్ లో మరో బ్రిడ్జి కూలిపోయింది. సివాన్ జిల్లాలోని గండకి నదిపై నిర్మించిన బ్రిడ్జి ఈరోజు (బుధవారం) తెల్లవారుజామున కుప్పకూలినట్లు అధికారులు తెలిపారు. పలు గ్రామాలకు అనుసంధానంగా ఉన్న బ్రిడ్జి కూలిపోవడంతో రాకపోకలు నిలిచిపోయాయి. కాగా రాష్ట్రంలో 15 రోజుల్లో ఏడు బ్రిడ్జిలు కూలిపోవడం ఆందోళన కలిగిస్తోంది.
బీహార్లో 15 రోజుల వ్యవధిలో 7 వంతెనలు కూలిపోయాయి. అరారియా, సివాన్, తూర్పు చంపారన్, కిషన్ గంజ్, మధుబని-సుపౌల్ ఏరియాలో బ్రిడ్జిలు కూలిపోగా, ఈరోజు సివాన్ జిల్లాలోని గండకి నదిపై ఉన్న బ్రిడ్జి కుప్పకూలింది. దీంతో ప్రభుత్వంపై తీవ్ర విమర్శలు వ్యక్తమవుతున్నాయి.