Bhashyam Praveen Campaign in Munugodu
Munugodu News : అమరావతి మండలం మునుగోడు గ్రామానికి చెందిన సుమారు 30 కుటుంబాలు ఆ పార్టీకి చెందిన పి. శివరామిరెడ్డి ఆధ్వర్యంలో టీడీపీలో చేరాయి. తెలుగుదేశం పార్టీలో చేరిన వారికి పెదకూరపాడు నియోజకవర్గ తెలుగుదేశం, జనసేన, బిజెపి పార్టీ ఉమ్మడి ఎమ్మెల్యే అభ్యర్థి భాష్యం ప్రవీణ్ పార్టీ కండువాలు కప్పి సాదరంగా ఆహ్వానించారు.
ఈ సందర్భంగా టీడీపీలో చేరిన పలువురు మాట్లాడుతూ టీడీపీ, జనసేన, బీజేపీ ఉమ్మడి అభ్యర్థి భాష్యం గెలుపు కోసం తమ శాయశక్తులా కృషి చేస్తామని తెలిపారు. పేద ప్రజలను ఆదుకునేందుకు సూపర్-6 పథకాలు నచ్చాయని వారు పేర్కొన్నారు. ఈ కార్యక్రమంలో తెలుగుదేశం, జనసేన, బిజెపి పార్టీ నాయకులు, కార్యకర్తలు, యువత పెద్ద ఎత్తున పాల్గొన్నారు.