Two-wheelers : టీటీడీకి 16 ద్విచక్ర వాహనాలు విరాళం

Two-wheelers

Two-wheelers : చెన్నైకి చెందిన టీవీఎస్ మోటార్స్ ఎండీ వేణు సుదర్శన్ శుక్రవారం తిరుమల శ్రీవారికి 16 ద్విచక్ర వాహనాలను విరాళంగా అందజేశారు. అంతకుముందు తిరుమల శ్రీవారి ఆలయం వద్ద ఈ వాహనాలకు పూజలు నిర్వహించారు. అనంతరం దాత ఈ వాహనాల తాళాలను టీటీడీ అధికారులకు అందజేశారు. వాటిలో 15 ఎలక్ట్రిక్ వాహనాలు ఉన్నాయి.

ఈ వాహనాల విలువ సుమారు రూ.22 లక్షలు ఉంటుందని టీవీఎస్ సంస్థ ప్రతినిధులు తెలిపారు. ఈ కార్యక్రమంలో టీటీడీ ఈవో జె.శ్యామలరావు, అదనపు ఈవో సీహెచ్ వెంకయ్య చౌదరి, డీఐ సుబ్రహ్మణ్యం, సంస్థ ప్రతినిధులు పాల్గొన్నారు.