– భయానక దృశ్యాలు నెట్టింట వైరల్
Viral News
Viral News : ప్రస్తుత సోషల్ మీడియా యుగంలో అందరూ లైక్ లు, వ్యూస్ కే ప్రాధాన్యం ఇస్తున్నారు. ప్రమాదకర స్టంట్లు, సాహసాల పేరుతో నిర్లక్ష్యంగా వ్యవహరిస్తూ ప్రాణాలు కోల్పోతున్నారు. తాజాగా ఇలాంటి వీడియో ఒకటి నెట్టింట చక్కర్లు కొడుతోంది. ఆవిరి రైలుతో సెల్ఫీ దిగాలని ఓ యువతి చేసిన ప్రయత్నంలో ఏం జరిగిందంటే..?
మెక్సికోలోని హిడాల్గ్ లో ఈ సంఘటన జరిగింది. ఇటీవల ఆ ప్రాంతంలో రైల్వే అధికారులు, ఆవిరితో నడిచే రైలును ప్రారంభించారు. ఈ రైలు చూసేందుకు పాత కాలం నాటి రైలులా ఉండడంతో పాటు ఆవిరితో నడవనుండడంతో ఎలా ఉంటుందో చూడాలని జనం అధిక సంఖ్యలో తరలిచ్చారు. ఈ క్రమంలో చాలా మంది రైలు పట్టాలకు అటూ, ఇటూ నిలబడి ఫోన్ కెమెరాలు ఆన్ చేసి పెట్టుకున్నారు. ఇంతలో ఆ రైలు కూత పెడుతూ అటుగా వచ్చింది. అక్కడున్న వారంతా వీడియోలు, ఫొటోలు తీసుకోవడం మొదలెట్టారు. ఆ సమయంలో అక్కడే ఉన్న ఓ యువతి మరింత దగ్గరగా వీడియో తీసుకోవాలనే ఉద్దేశంతో పట్టాల సమీపానికి వెళ్లింది. మోకాళ్లపై నిల్చుని రైలును వీడియో తీస్తూ ఉంది. ఈ క్రమంలో వేగంగా వచ్చిన రైలు ఆమెను ఢీకొని వెళ్లిపోయింది. ఈ ఘటనలో ఆమె అక్కడికక్కడే కుప్పకూలి మరణించింది. ఈ ఘటనతో అక్కడ ఉన్నవారంతా ఒక్కసారిగా షాక్ అయ్యారు.
ఈ వీడియో ప్రస్తుతం నెట్టింట వైరలవుతోంది. ఈ ఘటనపై నెనడియన్ పసిఫిక్ కాన్సాస్ సిటీ విభాగం అధికారులు స్పందించారు. రైలు ప్రమాదంలో మహిళ చనిపోవడవంపై విచారం వ్యక్తం చేశారు. ఇలాంటి సాహసాలు ఎవరూ చేయొద్దని, రైలు పట్టాలకు కనీసం 10 మీటర్ల దూరం పాటించాలని సూచించారు.