Delhi Airport
Delhi Airport Terminal : ఢిల్లీ విమానాశ్రయంలోని పైకప్పు కూలి నలుగురు గాయపడగా ఒకరు మృతి చెందారు. ఈ ఘటనలో పలు వాహనాలు ధ్వంసమయ్యాయి. వర్షాలకు ఢిల్లీ విమానాశ్రయం టెర్మినల్-1లో పైకప్పు కూలిందని విమానాశ్రయ వర్గాలు వెల్లడించాయి. ఉదయం 5 గంటల సమయంలో ప్రయాణికులు నిష్క్రమించే ప్రదేశంలో టెర్మినల్-1లో పై కప్పు కూలింది. ఈ సంఘటన జరిగిన వెంటనే అత్యవసర సహాయ బృందాలు చర్యలు చేపట్టాయని, పలువురికి గాయాలు కాగా వారికి వైద్య సాయం అందించినట్లు ఎయిర్ పోర్టు వర్గాలు తెలిపాయి.
ప్రమాదం జరిగిన వెంటనే టెర్మినల్-1 నుంచి విమాన సర్వీసులు అన్ని రద్దు చేసినట్లు విమానాశ్రయ వర్గాలు పేర్కొన్నాయి. ముందు జాగ్రత్తగా చెక్ ఇన్ కౌంటర్లు అన్ని మూసి వేశామని తెలిపాయి. ఈ రోజు టెర్మినల్-1 ఘటన జరిగిన ప్రదేశాన్ని పౌర విమానయాన శాఖ మంత్రి రామ్మోహన్ నాయుడు పరిశీలించనున్నారు. ఘటన స్థలిని పరిశీలించి మంత్రి వివరాలు తెలుసుకోనున్నారు.