TDP-Janasena : నేడు టిడిపి-జనసేన జెండా సభ..హాజరు కానున్న కార్యకర్తలు,అభిమానులు.

TDP-Janasena

TDP-Janasena  :  టిడిపి -జనసేన ఉమ్మడి జెండా సభ తాడేపల్లిగూడెంలో ఈరోజు జరగనుంది. లక్షల మంది కార్యకర్తలు హాజరవుతారనే అంచనాతో 26 ఎకరాల విస్తీర్ణంలో సభ ఏర్పాట్లు చేస్తున్నారు. రెండు పార్టీల అధ్యక్షులు చంద్రబాబు, పవన్ కళ్యాణ్ తో పాటు కీలక నేతలు ఈ సభకు హాజరుకానున్నారు.

వచ్చే ఎన్నికల్లో గెలుపే లక్ష్యంగా కార్యకర్తలకు దిశా నిర్దేశం చేయనున్నారు. పొత్తు అవసరాన్ని వివరించనున్నారు. ఉమ్మడి మేనిఫెస్టో లోని కీలక హామీలను ఈ సభ నుంచి ప్రకటించే అవకాశం కనబడుతోంది. తెలుగుదేశం పార్టీ కార్యకర్తలు, జనసేన పార్టీ కార్యకర్తలు, అభిమానులు పెద్ద ఎత్తున సభ ప్రాంగణానికి చేరుకుంటున్నారు.