Dharmapuri Srinivas
Dharmapuri Srinivas passed away : కాంగ్రెస్ సీనియర్ నేత, రాజ్యసభ మాజీ సభ్యుడు ధర్మపురి శ్రీనివాస్ (76) కన్నుమూశారు. హైదరాబాద్ లోని తన నివాసంలో తెల్లవారు జామున 3 గంటలకు ఆయన తుది శ్వాస విడిచారు. గత కొంత కాలంగా అనారోగ్యంతో బాధపడుతున్న ఆయన గుండెపోటుతో చనిపోయినట్లు కుటుంబ సభ్యులు తెలిపారు.
నిజామాబాద్ జిల్లాకు చెందిన డీఎస్ 1948 సెప్టెంబర్ 27న జన్మించారు. కాంగ్రెస్ పార్టీలో అంచెలంచెలుగా ఎదిగారు. ఉమ్మడి ఏపీలో మంత్రిగా, పీసీసీ చీఫ్గా పనిచేశారు. 1989, 1999, 2004లో ఎమ్మెల్యేగా గెలిచారు.2004, 2009 ఎన్నికల సమయంలో పీసీసీ చీఫ్ గా ఉన్నారు. వైఎస్సార్ హయాంలో మంత్రిగా ఆయన పనిచేశారు. రాష్ట్ర విభజన తర్వాత బీఆర్ఎస్ లో చేరిన డీఎస్ రాజ్యసభ సభ్యుడిగా ఎన్నికయ్యారు. కొద్ది రోజుల పాటు ప్రభుత్వ సలహాదారుగా బాధ్యతలు నిర్వహించారు. ఆ తర్వాత రాజ్యసభకు వెళ్లారు. అనంతరం మళ్లీ కాంగ్రెస్ కండువా కప్పుకున్నారు. అనారోగ్యం కారణంగానే ప్రత్యక్ష రాజకీయాలకు దూరంగా ఉన్నారు.