Vande Bharat Train
Vande Bharat Train : సికింద్రాబాద్-విశాఖపట్నం వందేభారత్ ఎక్స్ ప్రెస్ రైలు ఈ రోజు ఐదు గంటలు ఆలస్యంగా బయలుదేరనుంది. మధ్యాహ్నం మూడు గంటలకు సికింద్రాబాద్ నుంచి బయలుదేరాల్సిన ఈ రైలు ఈరోజు రాత్రి ఎనిమిది గంటలకు రీషెడ్యూల్ చేసినట్లు దక్షిణ మధ్య రైల్వే అధికారులు తెలిపారు. విశాఖలో ఉదయం 5.45 నిమిషాలకు బయలుదేరాల్సిన ఈ రైలు దాదాపు 5 గంటలు ఆలస్యమైంది.
ఇదే రైలు సికింద్రాబాద్ వచ్చి తిరిగి విశాఖకు వెళ్లాల్సి ఉంటుంది. ఈ నేపథ్యంలో అధికారులు రాత్రి ఎనిమిది గంటలకు రీషెడ్యూల్ చేశారు. వందేభారత్ ఆలస్యం కావడంతో ప్రయాణికులు ఇబ్బందిపడుతున్నారు.
మరోవైపు, వేసవి రద్దీ దృష్ట్యా ఏర్పాటు చేసిన పలు ప్రత్యేక రైళ్లను పొడిగిస్తున్నట్లు దక్షిణ మధ్య రైల్వే అధికారులు వెల్లడించారు. నిర్దేశిత తేదీల్లో నడుస్తున్న ఈ ప్రత్యేక రైళ్లను ఆయా స్టేషన్ల మధ్య మే 30 నుంచి జూలై 1 వరకు పొడిగిస్తున్నట్లు పేర్కొన్నారు.