Modi is Troubling:రాజకీయ కక్ష్యతో డిల్లీ సీఎంను మోడీ ఇబ్బంది పెడుతున్నాడు..ఆప్ నేత సుధాకర్

రాజకీయ కక్ష్యలో భాగంగానే డిల్లీ ముఖ్యమంత్రి, ఆప్ అధినేత కేజ్రీవాల్ పై ప్రధాని నరేంద్ర మోదీ కక్ష్య సాధింపు చర్యలకు పాల్పడుతున్నారని తెలంగాణ ఆమ్ ఆద్మీ పార్టీ రాష్ట్ర ఇన్ ఛార్జ్ కన్వీనర్ డాక్టర్ దిడ్డి సుధాకర్ ఆరోపించారు. ప్రజల పక్షాన నిలబడి పోరాటం చేస్తున్న కేజ్రీవాల్ కు 7సార్లు ఈడీ సమన్లు ఇచ్చిందన్నారు.

అలాగే అరెస్ట్ చేసేందుకు కూడా కుట్రలు చేస్తోందని పేర్కొన్నారు. కాంగ్రెస్ తో పొత్తు పెట్టుకున్నందుకు భాజపా భయప డుతోందని… అందుకే ఈ కుట్రలు పన్నుతోందని ఆరోపించారు. మోదీకి కేజ్రీవాల్ భయం పట్టుకుందని… ఆయనకు పోటీ వస్తారని భయంతో ఇలాంటి నీచమైన రాజకీయాలకు పాల్పడుతున్నారని మండిపడ్డారు.

కేవలం కేజ్రీవాల్ ను అరెస్ట్ చేయవచ్చు కానీ… ఆలోచన ను అరెస్ట్ చేయలేదన్నారు. తమ అధినేత ను అరెస్టు చేస్తే లక్షమంది కేజ్రీవాల్ వస్తారన్నారు. ముఖ్యమైన నాయకులను జైల్లో పెట్టి… పార్టీ నాశనం చేసేందుకు ప్రయత్నం చేస్తున్నారని తెలిపారు. ఎన్ని కుట్రలు పన్నిన ప్రజల అండతో ముందుకు వెళ్తుందని… రానున్న పార్లమెంట్ ఎన్నికల్లో కలిసి కట్టుగా భాజపాను ఒడి స్తామని సుధాకర్ స్పష్టం చేశారు.