Men jostling : బస్సులో సీటు కోసం తన్నుకున్న పురుషులు!

తెలంగాణ రాష్ట్ర ఆర్టీసీ బస్సుల్లో మహిళా ప్రయాణికులకు ఉచిత ప్రయాణ సౌకర్యం కల్పించిన విషయం అందరికీ తెలిసిందే.   సీట్లు లేక మహిళలు  గొడవలు పడుతున్న ఘటనలు ఇటీవల చాలా  చోటుచేసుకున్నాయి.  అయితే మహిళా ప్రయాణికులు పెద్ద ఎత్తున బస్సుల్లో ఎక్కతుండటంతో  ఇలాంటి  ఘటనలు జరుగుతున్నాయి. ఇటీవల చోటు చేసుకుంటున్న ఈ ఘటనలకు భిన్నంగా తాజాగా సీటు కోసం పురుషులు గొడవపడ్డారు.

వేములవాడ- తిప్పాపురం బస్టాండులో తాజాగా ఈ ఘటన చోటుచేసుకుంది. వేములవాడ రాజన్న దర్శనం కోసం భక్తుల పెద్ద ఎత్తున వస్తున్నారు. బస్టాండ్ నుంచి తిరుగు ప్రయాణంలో వెళ్తుండగా ఆర్టీసీ బస్సులో సీట్ల కోసం కొందరు గొడవపడ్డారు. మహిళలు అందరూ బస్సు ఎక్కాక ఒకే సీటు ఖాళీగా కనబడినట్లు తెలుస్తోంది. దీంతో ఆ సీటు కోసం పురుషులు కూడా తన్నుకున్నారు.   బస్సు ముందు కు వచ్చి వారు పిడుగుద్దులు  కురిపించుకున్న దృశ్యాలు సామాజిక మాధ్యమాల్లో వైరల్ అవుతున్నాయి.