Visakhapatnam : విశాఖలో భారీ అగ్నిప్రమాదం.. డైనో పార్క్ దగ్ధం

Visakhapatnam

Visakhapatnam : విశాఖలో భారీ అగ్నిప్రమాదం సంభవించింది. బీచ్ రోడ్డులోని డైనో పార్కులో అగ్నిప్రమాదం సంభవించడంతో భారీగా మంటలు ఎగిసిపడుతున్నాయి. ఒక్కసారిగా దట్టమైన పొగతో మంటలు వ్యాపించడంతో పార్క్ మొత్తం అగ్నికి ఆహుతయింది. విషయం తెలుసుకున్న పార్క్ సిబ్బంది అగ్నిమాపక సిబ్బందికి, పోలీసులకు సమాచారం అందించారు.

ఘటనా స్థలానికి చేరుకున్న ఫైర్ సిబ్బంది మంటలను అదుపులోకి తెచ్చేందుకు కృషి చేస్తున్నారు. పోలీసులకు సమాచారం అందించారు. ఈ ప్రమాదంలో ప్రాణ నష్టం జరుగకపోవడంతో అంతా ఊపిరి పీల్చుకున్నారు. ఈ ఘటనపై వివరాలు తెలియాల్సి ఉంది.