Lokesh- Election Campaign: టిడిపి జాతీయ ప్రధాన కార్యదర్శి నారా లోకేష్ ఎన్నికల ప్రచారానికి ముహూర్తం ఖరారైంది. ఈ నెల 11 నుంచి శంఖారావం పేరిట యువనేత ఎన్నికల ప్రచారం చేయను న్నారు. యువగళం పాదయాత్ర జరుగని ప్రాంతాల్లో పర్యటించేల లోకేష్ ప్రణాళికలు సిద్ధం చేసుకుంటున్నట్లు తెలుస్తోంది. ఉత్తరాంధ్ర నుంచి లోకేష్ శంఖారావం ప్రారం భం కానుంది. ఈ క్రమంలో శంఖారావం పై రూపొందించిన ప్రత్యేక వీడియోను తెలుగుదేశం పార్టీ విడుదల చేసింది.
ప్రజల్లోనూ పార్టీ శ్రేణుల్లోనూ చైతన్యం నింపటమే శంఖా రావం లక్ష్యమని ఈ సందర్భంగా ఏపీ టీడీపీ అధ్యక్షుడు అచ్చం నాయుడు స్పష్టం చేశారు. రాష్ట్రవ్యాప్తంగా శంఖాా రావం కార్యక్రమానికి లోకేష్ సారథ్యం వహిస్తారన్నారు. ప్రతిరోజు మూడు నియోజకవర్గాల చొప్పున దాదాపుగా 50 రోజులపాటు శంఖారావం పర్యటన సాగుతుందని తెలిపారు. శ్రీకాకుళం జిల్లా ఇచ్చాపురంలో 11వ తేదీ ఉదయం 9 గంటలకు శంఖారావం తొలి సభ జరుగుతుందన్నారు. జగన్ పాలనలో మోసపోయిన యువత మహిళలు ఇతర అన్ని వర్గాలకు భరోసా కల్పించేలా శంఖారావం సాగుతుం దని అచ్చం నాయుడు వెల్లడించారు.