Leopard : నిజామాబాద్ జిల్లాలో చిరుతపులి సంచారం.. ప్రజల ఆందోళన

Leopard

Leopard : నిజామాబాద్ జిల్లాలో చిరుతపులి సంచారం కలకలం రేపింది. డిచ్ పల్లి మండలం యానంపల్లిలో మంగళవారం రాత్రి ఓ రైతుకు చెందిన పశువులపై దాడిచేసి చంపింది. గమనించిన స్థానికులు అటవీశాఖ అధికారులకు సమాచారమిచ్చారు. వెంటనే స్పందించిన అధికారులు సంఘటన స్థలాన్ని పరిశీలించి చిరుత దాడి చేసినట్లు నిర్ధారించారు. చిరుతపులి సంచరించడంపై పరిసర ప్రాంతాల్లోని ప్రజలు భయాందోళనకు గురవుతున్నారు.

ప్రజలు ఎలాంటి ఆందోళన చెందవద్దని, రాత్రి వ్యవసాయ బావుల వద్దకు వెళ్ల వద్దని, వెళ్లాల్సి వస్తే వెంట కర్రలు తీసుకుని వెళ్లాలని అటవీ శాఖ అధికారులు సూచించారు. సిబ్బందితో నిఘా పెట్టామని, చిరుతను పట్టుకునేందుకు చర్యలు తీసుకున్నామని తెలిపారు.