Hero Darshan Arrest
Hero Darshan Arrest : కన్నడ స్టార్ హీరో దర్శన్ తూగుదీపను పోలీసులు అదుపులోకి తీసుకున్నారు. ఈ రోజు తెల్లవారుజామున ఆర్ఆర్ నగర్ లోని ఆయన నివాసంలో కామాక్షిపాళ్య పోలీసులు అరెస్టు చేశారు. నటి పవిత్ర గౌడకు అసభ్యకరమైన సందేశాలు పంపినందుకు రేణుకాస్వామిని హత్య చేశారు. నటుడు దర్శన్ సూచనల మేరకే ఈ హత్య జరిగినట్లు సమాచారం.
కన్నడ స్టార్ దర్శన్ కొంతకాలంగా నటి పవిత్ర గౌడ సన్నిహితంగా ఉంటున్నాడని, ఈ ఇద్దరి మధ్య ఏదో జరుగుతోందని వార్తలు వైరల్ అవుతున్న విషయం తెలిసిందే. ఈ నేపథ్యంలోనే రేణుక స్వామి అనే వ్యక్తి నటి పవిత్ర గౌడకు అసభ్యకర మెసేజ్ లు పంపి భయపెట్టాడని, ఈ విషయం దర్శన్ కు తెలిసి ఆ వ్యక్తి హతమార్చడానికి ప్లాన్ చేశాడని, కామాక్షిపాలెంలో రేణుకా స్వామిని హత్య చేశారని, హత్య చేసిన నలుగురు నిందితులు అంగీకరించినట్లు సమాచారం. ఈ కేసులో హీరో దర్శన్ సహా 10 మందిని పోలీసులు అరెస్టు చేశారు. ప్రస్తుతం ఈ వార్త కన్నడ సినీ ఇండస్ట్రీలో హాట్ టాపిక్ గా మారింది.