Vijay Deverakonda:`పెళ్లి చూపులు`, అర్జున్‌రెడ్డి` వంటి సంచ‌ల‌న చిత్రాల‌తో టాలీవుడ్‌లో హీరో ప్ర‌త్యేక‌త‌ను చాటుకున్నారు రౌడీ స్టార్ విజ‌య్ దేవ‌ర‌కొండ. రీసెంట్‌గా స‌మంత‌తో క‌లిసి `ఖుషి` వంటి రొమాంటిక్ ల‌వ్ స్టోరీతో ప్రేక్ష‌కుల ముందుకొచ్చారు. శివ నిర్వాణ ద‌ర్శ‌క‌త్వంలో రొమాంటిక్ ఎంట‌ర్‌టైన‌ర్‌గా రూపొందిన ఈ సినిమా మంచి విజ‌యాన్ని సాధించింది. ఈ సినిమా త‌రువాత వ‌రుస ప్రాజెక్ట్‌ల‌తో బిజీగా ఉన్న విజ‌య్ దేవ‌ర‌కొండ ప్ర‌స్తుతం దిల్ రాజు నిర్మాణంలో ప‌ర‌శురామ్ రూపొందిస్తున్న `ఫ్యామిలీ స్టార్`లో న‌టిస్తున్నారు.
ఈ సినిమా షూటింగ్ ద‌శ‌లో ఉంది. త్వ‌ర‌లోనే ప్రేక్ష‌కుల ముందుకు రానుంది. ఇదిలా ఉంటే హీరోగా విల‌క్ష‌ణ‌మైన పంథాని అనుస‌రిస్తూ `ఖుషి` రిలీజ్ త‌రువాత ఫ్యామిలీస్‌కు త‌న రెమ్యున‌రేష‌న్‌లో కొంత భాగాన్ని పంచి ఆద‌ర్శంగా నిలిచిన విజ‌య్ దేవ‌ర‌కొండ‌పై తాజాగా అసభ్యకర వార్త‌ల‌ను ప్ర‌సారం చేసిన ఓ వ్య‌క్తిని పోలీసులు అరెస్ట్ చేశారు. కొన్ని రోజుల క్రితం విజ‌య్ దేవ‌ర‌కొండ సినిమాల‌కు సంబంధించి అసభ్యకర వార్త‌ల‌ను ప్ర‌సారం చేశాడు. సినీ పోలీస్ అనే యూట్యూబ్ చాన‌ల్ వేదిక‌గా ఆయ‌న‌ను అవ‌మానించాడు.
అంత‌పురంకు చెందిన వెంక‌ట కిర‌ణ్ అనే వ్య‌క్తి విజ‌య్ దేవ‌ర‌కొండ గౌర‌వాన్ని కించ‌ప‌రిచే విధంగా, ఆయ‌న న‌టించిన సినిమాల్లోని హీరోయిన్‌ల‌ని అవ‌మానిస్తూ వీడియోలు చేశాడు. ఈ వీడియోల‌ను విజ‌య్ దేవ‌ర‌కొండ టీమ్ పోలీసుల దృష్టికి తీసుకెళ్లింది. వెంట‌నే స్పందించిన పోలీసులు స‌ద‌రు వ్య‌క్తి ఆచూకీ తెలుసుకున్నారు.