Raj Bhavan:రాజ్ భవన్‌కు బాంబు బెదిరింపు..బెంగళూరు అలర్ట్!

Karnataka Raj Bhavan:బెంగళూరు నగరంలోని 48 పాఠశాలలకు బాంబు బెదిరింపులు వచ్చిన నేపథ్యంలో, కర్ణాటక గవర్నర్ అధికారిక నివాసమైన రాజ్‌భవన్‌లో తాను బాంబు పెట్టినట్లు బెంగళూరు పోలీసు కంట్రోల్ రూమ్‌కు గుర్తుతెలియని ఫోన్ చేసి ఉలిక్కి పడేలా చేశాడు. గత రాత్రి 11.30 గంటల ప్రాంతంలో కాల్ వచ్చింది. DRDO ఎదురుగా అంబేద్కర్ వీధిలో రాజ్ భవన్ ఉంది. భద్రతా బలగాలు మంగళవారం తెల్లవారుజాము వరకు ప్రాంగణంలో సోదాలు నిర్వహించి, అనుమానాస్పద వస్తువులు కనిపించకపోవడంతో దానిని బూటకమని ప్రకటించారు.

కాల్ అందుకున్న కంట్రోల్ రూమ్ సిబ్బంది సీనియర్ పోలీసు అధికారులను అప్రమత్తం చేశారు. బాంబ్ స్క్వాడ్, డాగ్ స్క్వాడ్, పోలీసు సిబ్బంది సోదాలు నిర్వహించి కాల్ బూటకమని తేల్చారు. కాల్ చేసిన వ్యక్తి మొబైల్ ఫోన్ నుంచి కాల్ చేశాడని, ఉప్పరపేట ప్రాంతంలో కాల్ జరిగినట్లు గుర్తించారు. ఫోన్ చేసిన వ్యక్తిని పోలీసులు గుర్తించి ప్రశ్నిస్తున్నట్లు సమాచారం.