AP Elections : ఏపీలో పార్లమెంట్ ఎన్నికలతో పాటు అసెంబ్లీ ఎన్నికల పోలింగ్ జరుగుతోంది. రాష్ట్రంలో పలు ప్రాంతాల్లో ఓటింగ్ ప్రశాంతంగా కొనసాగుతోంది. కాగా పలు ప్రాంతాల్లో చెదురుమదురు సంఘటనలు చోటు చేసుకున్నప్పటికీ ఓటింగ్ సరళిపై ఎటువంటి ప్రభావం పడలేదు. ముఖ్యంగా యువకులు, మొదటిసారి ఓటు వేసేవారు పెద్ద సంఖ్యలో తమ హక్కును వినియోగించుకున్నారు.
దీంతో మధ్యాహ్నం 1 గంట వరకు 40.20 శాతం పోలింగ్ నమోదు కాగా, 3 గంటల వరకు 55.49 శాతం ఓటింగ్ నమోదైనట్లు అధికారులు వెల్లడించారు. ఇప్పటి వరకు చిత్తూరులో అత్యధికంగా 61.94 శాతం పోలింగ్ కాగా, అత్యల్పంగా విశాఖలో 46.01 శాతం నమోదైంది. ఉదయం నుంచి విశాఖలో వర్షం పడుతుండడంతో ఓటర్లు ఓటేసేందుకు పెద్దగా ఆసక్తి చూపనట్లు తెలుస్తోంది.